Energetıka mınıstri munaı-gaz-hımııa salasynda iske asatyn iri jobalardy atady

NUR-SULTAN. QazAqparat – Munaı-gaz-hımııa salasynda el ekonomıkasyna 8,6 mlrd dollar ınvestıtsııa tartatyn 2 joba iske asyrylady. Bul týraly Úkimet otyrysynda QR Energetıka mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Munaı-gaz-hımııa salasynda birqatar iri jobalardy, atap aıtqanda polıetılen jáne býtadıen óndirisi boıynsha jobalardy iske asyrý josparlanýda», - dedi óńdeý ónerkásibin damytý týraly baıandaǵan mınıstr.

Onyń dereginshe, polıetılen jobasy boıynsha búgingi tańda «SIBÝR» kompanııasymen yntymaqtastyqtyń bazalyq sharttary boıynsha kelisimderge qol qoıyldy. Al býtadıen jobasy boıynsha osy jyldyń mamyr aıynda «Tatneft» kompanııasymen strategııalyq seriktes retinde jobany birlesip iske asyrý týraly kelisimge qol jetkizildi. Jobanyń tehnıkalyq-ekonomıkalyq negizdemesin ázirleý júrgizilýde.

«Bul jobalardy iske asyrý Qazaqstan ekonomıkasyna shamamen 8,6 mlrd AQSh dollaryn tartýǵa múmkindik beredi», - dedi Maǵzum Myrzaǵalıev.