Energetıka mınıstri qazaqstandyqtardy jaryqty únemdeýge shaqyrdy

ASTANA. QazAqparat – QR Energetıka mınıstri Bolat Aqsholaqov qazaqstandyqtarǵa elektr energııasyn únemdi tutynýǵa keńes berdi, dep habarlaıdy QazAqparat tilshisi.

«Elimizde energııa tapshy. Jetpeı jatqan qýatty Reseı arqyly keletin energııadan alyp jatyrmyz. Elektr energeıasyn tutyný ásirese tańerteń jáne keshke arta túsedi. Mereke jáne uzaq demalys kúnderi tutyný kólemi aıtarlyqtaı artady. Osy oraıda biz elektr energııasyn únemdi tutynýdy usynyp otyrmyz. Qajet bolmasa jaryqty bosqa qospaǵan jón», - dedi Bolat Aqsholaqov Ortalyq kommýnıkatsııalar qyzmeti alańynda ótken baspasóz máslıhatynda.

Mınıstr keltirgen málimetke sáıkes, bıyl jyl qorytyndysy boıynsha 112,7 mlrd kVt kóleminde elektr energııasy óndirildi. Aldaǵy jyly elektr energııasyn óndirýdi 114,9 mlrd. kVt-ǵa jetkizý jospary tur.

Bolat Aqsholaqov aıtqandaı, bıyl 2035 jylǵa deıingi energetıkalyq teńgerim ázirlenip, bekitildi.

Onyń sheńberinde elektr energııasyn óndirý jáne tutyný boljamy boıynsha energetıkalyq keshendi damytý qarastyrylǵan.

Buǵan deıin Bolat Aqsholaqov Memleket basshysynyń synyna qatysty pikir bildirgen edi.