Energetıka mınıstri Ekibastuzdyń kómir razrezderinde boldy

 Munda elimizdegi kómirdiń 60 paıyzy nemese 65 tonnasy óndiriledi, dep habarlaıdy pavlodarnews.kz.  

 Qanat Bozymbaevtyń aıtýynsha, ol óziniń orynbasarlarymen birge respýblıkadaǵy barlyq kómir óndiretin óńirlerdi aralap shyqqan. Oǵan qatty aıaz kezinde kómir tapshylyǵy týraly taraǵan qaýeset sebep bolǵan. -    Meniń orynbasarlarym Shyǵys Qazaqstan, Qaraǵandy oblystaryn aralap shyqty, - deıdi QR Energetıka mınıstri. - Óz basym ádeıilep keshe keshkisin Ekibastuzǵa keldim. Jıyn ótkizip, sol jerde bolyp jatqan jaǵdaımen tanystyq. «Shyǵys» jáne  «Bogatyr»  kenishterinde ilgerileý bar ekeni baıqalady. Úlken razrezderdiń eki-aq jyldyń ishinde qýattylyǵyn aıtarlyqtaı arttyrǵan razrezder tań qaldyrdy. Biz   shynymen qatty aıaz saldarynan qańtar aıynda keıbir  shaǵyn jáne orta razrezderde kómir óndirý jáne eksportqa, ımportqa jetkizý boıynsha bir aptaǵa toqtap qalǵanyn belgiledik. Degenmen bul jaǵdaıdyń júıe qalyptastyrýshy «Bogatyr» men «Shyǵys» razrezderine qatysy joq. Alaıda pnevmatıka qoldanǵan jerlerde mehanızmmen qıyndyq bolǵan, degenmen búginde ishki naryqtaǵy aıyrmashylyq jabylǵan. Aqpan aıynda ornyn toltyrý kerek. Demalys kúnderi el boıynsha kómirdiń bar-joǵyn anyqtaý úshin monıtorıng júrgizdik. Nátıjesinde 3-4 aýdanda ǵana ýaqytsha kómir jetispeıtini belgili boldy. Ol jerge kómir avtomobılmen jetkiziledi eken. Úkimet otyrysynda ákimderge tapsyrma bergen bolatynmyn. Másele baqylaýǵa alynǵan.

 «Bogatyr kómir» JShS-niń bas dırektory Marat Ábdiǵulovtyń aıtýynsha, 2017 jyly kómir razrezi tutynýshylarǵa 40 mln 900 myń tonna kómir jetkizgen. Onyń ishinde 1 mln 400 myń tonna - bıýdjettik uıymdar men halyqqa arnalǵan kommýnaldyq-turmystyq kómir. Otynnyń 60 paıyzy eksportqa jumsalsa, qalǵan 40 paıyzy elimizdiń ishki naryǵyn qamtamasyz etedi. Ótken jyldyń qorytyndysy boıynsha razrezdegi kómir óndirý 17 paıyzǵa artqan. -    Aýa raıynyń qolaısyzdyǵyna qaramastan, josparǵa saı kómir tıelgen, - dedi Marat Ábdiǵulov. - Búgingi tańda kommýnaldyq-turmystyq kómirdiń baǵasy bir tonna úshin  2133 teńgeni quraıdy. Bıylǵy baǵa tirkeldi. Byltyr 1850 teńge bolǵan. Elimizde kómir tapshylyǵyna baılanysty týyndaǵan dúrligýdiń «Bogatyr» kenishine qatysy joq. Sebebi  razrezde kommýnaldyq-turmystyq kómirdiń toǵyz tonnasy ǵana óndiriledi. Bizdiń basty tutynýshylarymyz - GRES, JEO jáne qazandyqtar.  

 Kásiporyn dırektorynyń sózine súıensek, «Bogatyr» kómirmen elimizdiń soltústik óńirlerin - Pavlodar, Soltústik Qazaqstan jáne Aqmola oblysyn qamtamasyz etedi. -    2018 jyly 41 tonna kómir óndirý josparlanyp otyr, - dedi Ábdiǵulov. - Bıyl tsıkldi-aǵymdy tehnologııa boıynsha kómir óndirý kelisimshartyn  qaıta qalypqa keltirdik. 2021 jyly alǵashqy, 2023 jyly ekinshi kezeńdi aıaqtaımyz. Bul kómir óndirý kólemin arttyrýǵa jáne kómirdiń ózindik baǵasyn tómendetýge múmkindik beredi. Jobanyń eki jeli boıynsha jalpy quny - shamamen 80 mlrd teńge. Bıyl birinshi kezeńdi júzege asyrýǵa kiristik. 2019 jyly «Bogatyr» kenishinde baıytý fabrıkasyn iske qosýdy kózdep otyrmyz.   EEK AQ «Shyǵys» razreziniń dırektory  ıÝrıı Goncharov mınıstrge óz kásiporny tutynýshylaryna kómir tasymaldaý boıynsha qıyndyq týyndamaıdy dep sendirdi.   -    2017 jyldy oıdaǵydaı aıaqtadyq, - deıdi spıker. - Kómir óndirý 17 mln tonnany qurady. 2018 jyldy óndiristi 18 mln tonnaǵa deıin arttyrý josparymen bastap otyrmyz.  Bizdiń barlyq ınfraqurylymdy damytý boıynsha úlken  josparlarymyz bar. 2017 jyly bastalǵan barlyq ınvestıtsııalyq jobalardy jalǵastyramyz. Qazirgi kúni bizde ákimshilik-turmystyq kombınattyń qurylysy júrgizilýde. Sonymen qatar Ekibastuzda úı salyp jatyrmyz. Budan bólek, ónimdilikti arttyrýǵa jáne ónimniń baǵasyn túsirýge baǵyttalǵan ınvestıtsııalyq jobalar, № 2 tsıkldi-aǵymdy keshenniń qurylysy bar. Bıyl onyń birinshi kezegin - konveıerlik jeli men jylyna 10 mln tekshege ýatqysh qurylǵysyn iske qosýdy oılap otyrmyz.  

 

Al «Vostochnyı» dırektory kásiporynda «energetıkalyq» kómir óndiriletinin atap ótti. - Jeke menshik ıeleri shamamen 60 myń tonna kómir tıedi. Bul búgingi kúni biz jaýyp otyrǵan qajettilik emes. Biz fraktsııalyq kómir óndirisin bastaǵan edik jáne kómirdi baıytý boıynsha jobany ázirleýdemiz. Bul jobany iske qosqannan keıin turǵyndarǵa kómir jetkizýge de salmaqty qaraıtyn bolamyz, - dep ýáde berdi ıÝrıı Goncharov. Kómir razreziniń dırektory bıyl kásiporyn fraktsııalanǵan kómir boıynsha jańa jelini iske qosý josparda bar ekeninen habardar etti. - Jabdyq satyp alyndy. Ústimizdegi jyly jańa jeli quramyz jáne fraktsııalanǵan kómir óndirisin arttyramyz. Ony az ǵana jaǵý arqyly jylýdy kóbirek alýǵa bolady, - dedi spıker.

 Energetıka mınıstrliginiń aqparatyna súıensek, 2018 jyldyń qańtar aıynda qazaqstandyq kompanııalarmen 9,3 mln tonna kómir óndirilgen.