Energetıka mınıstri Zaısan aýdanyndaǵy gaz kenishi sarqylyp qalǵanyn moıyndady

Energetıka mınıstri Almasadam Sátqalıev ShQO-nyń Zaısan aýdanyndaǵy gaz kenishiniń keleshegi týraly pikir bildirdi, dep habarlaıdy Kazinform.

«Ol jerde jeke kompanııa gaz kenishin ıgerip jatyr, qazir óndirýdiń aqyrǵy kezeńinde. Atalǵan aýdannyń qajettiligin barynsha qamtamasyz etý úshin kompanııaǵa gazdy eksportqa shyǵarýǵa tyıym salynǵanyn bilesizder. Eksport baǵyty toqtatyldy. Búkil gaz tek ishki qajettilikke jumsalyp jatyr», — dedi mınıstr Aqordadaǵy Qazaqstan men Frantsııa prezıdentteriniń kezdesýinen keıin.

Onyń sózinshe, kenishti ıgerýdiń tehnıkalyq qyzmeti jaǵynan problemalar bar.

«Energetıka mınıstrligi tarapynan gaz jelisiniń ıelerine eskertý jasalǵan. Taıaýda ol jaqqa mınıstrliktiń komıssııasy baryp, atalǵan aktıvterdiń daıyndyǵyn tekseredi. Keshe oblys basshysymen sóılestik. Parlament depýtattary da osy máseleni kóterip otyr. Ol jerde qazir tek bir ǵana kompressor jumys istep tur. Qosymsha kompressor joq. ıAǵnı qazirgi jalǵyz kompressor isten shyqsa, gazben qamtý jaǵynan másele týyndaýy múmkin. Gaz kenishinde shynymen ıgerýdiń aqyrǵy satysy júrip jatyr. Keleshekte gazdy basqa kózderden jetkizý jóninde jospar bar», — dep atap ótti Almasadam Sátqalıev.