Energetıka mınıstri: Ushaq bıletiniń baǵasyn áýejaılar qymbattatyp otyr
ASTANA. KAZINFORM – Májiliste ótip jatqan Úkimet saǵatynda depýtat Energetıka mınıstri Almasadam Sátqalıev áýe bıletteriniń baǵasy týraly pikir bildirdi.
Májilis depýtaty Murat Ábenov salaǵa jaýapty mınıstrlikterdiń monopolııaǵa jol bergeniniń kesirinen elde áýe bıletiniń baǵasy negizsiz ósip jatqanyn aıtty.
«Áýe bıletteriniń baǵasy óte joǵary. Biz avıakompanııalardy jıi synaımyz. Biraq is júzinde negizgi kinálilerdiń biri – Energetıka mınıstrligi men «QazMunaıgaz». Búgingi tańda «Kýrsıv» portalynyń materıaldary boıynsha avıaotyn baǵasy 600 myń teńge bolǵan. Ózbekstanda ol 200 dollardan arzan. Álemde otyn baǵasy, onyń ishinde TMD elderinde 300 myń teńge. Bul monopolııalyq jaǵdaı. QazMunaıGaz baǵany joǵary ustap turýǵa májbúr etedi. Biz ózimiz 600 myń tonna óndirip, Reseıden 200 myń tonna satyp alamyz. Bul máseleni qalaı sheshemiz? Monopolııanyń tıimsiz uıymdastyrýdyń kesirinen jasandy tapshylyq jasap otyrsyzdar. Búgingi tańda baǵa joǵary. Óıtkeni áýe bıleti qunynyń 30%-yn janarmaı baǵasy qurap otyr», - dedi depýtat.
Mınıstr Almasadam Sátqalıev avıaotyn ımportyn ártaraptandyrý úshin Qytaı jáne Túrikmenstan elderimen kelissóz júrip jatqanyn aıtty.
«Іshki naryqtaǵy tapshylyqqa kelsek, Úkimettiń sheshimine sáıkes operator belgilendi. Siz naryqty monopolııaǵa aınaldyrdyńdar dep otyrsyz. «QazMunaıGazdan» basqa eshkim avıa otyn óndirmeıdi. Baǵanyń ósýine, básekelestikke jatpaıtyn tásilderge jol bermeý úshin monopolııaǵa qarsy organdar tarapynan biryńǵaı operator quryldy. Ol «QazMunaıGaz-Aero» dep atalady. Bul kásiporyn avıatasymaldaýshylarǵa ǵana Kólik mınıstrliginiń sheshimine sáıkes avıaotyn jetkizedi. Basqa halyqaralyq avıatasymaldaýshylar ımporttyq avıaotyn satyp alady. Negizinen Reseıden alady. Biraq basqa balamalar bar. Biz Qytaıdan, Túrikmenstannan ımporttaý múmkindigin qarastyryp jatyrmyz», - dedi vedomstvo basshysy.
Mınıstrdiń sózinshe áýe bıletiniń baǵasy áýejaılar júrgizgen saıasat arqyly qalyptasady.
«Bılet baǵasyna kelsek, Kólik mınıstrligi túsinikteme beredi. Degenmen, avıabılet baǵasyn «QazMunaıGaz-Aero» tarapynan avıa kerosındi jetkizý baǵasy qalyptastyrmaıdy. Bul baǵa áýejaılardyń janarmaıdy ushaqqa quıý qyzmetiniń baǵasynan qalyptasady. Bul baǵanyń aıtarlyqtaı aıyrmashylyǵy bar. Áýejaılardyń óz marketıng saıasaty bar. ıAǵnı, saqtaý, jetkizý, ımporttan ákelý qyzmetiniń qunyn qosady. Osy aqparatty sizderge de kórý kerek. Onyń bárin keıin usynamyz», - dedi Almasadam Sátqalıev.