Qazaqstannyń bolashaǵy úshin daýys berdim - Energetıka mınıstri
ASTANA. KAZIFORM – QR Energetıka mınıstri Almasadam Sátqalıev AES salý máselesi boıynsha jalpyulttyq referendýmda elordadaǵy Smart bıznes-ortalyǵynda ornalasqan №230 ýchaskede daýys berdi.
«Qazaqstannyń bolashaǵy úshin daýys berdim. Qalǵan suraqtardy referendýmnan keıin qarastyraıyq», - dedi mınıstr.
Almasadam Sátqalıev osy referendým boıynsha úlken jumys júrgiziligenin atap ótti.
«Bir jyl boıy óńirlerge saparlar uıymdastyryldy. Mınıstrlik tarapynan eksperttik qoldaý qamtamasyz etildi. Endi nátıjesin kútýdi suraımyn», - dedi ol.
Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi.
Ortalyq referendým komıssııasy tóraǵasynyń orynbasary Konstantın Petrov eldiń barlyq óńirinde Qazaqstanda atom elektr stantsııasyn salý máselesi boıynsha jalpyulttyq referendým bastalǵanyn resmı málim etti.
Buǵan deıin habarlanǵanyndaı, Premer-mınıstr Oljas Bektenov Astana qalasyndaǵy Oqýshylar saraıynda ornalasqan №61 ýchaskede daýys berdi.
1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.
