Energetıka mınıstri Kaspıı qubyr konsortsıýmynyń jumysyna pikir aıtty
ASTANA. KAZINFORM — Qazir Kaspıı qubyr konsortsıýmy (KQK) shtattyq rejımde jumys istep tur. Bul týraly Energetıka mınıstri Erlan Aqkenjenov málim etti.
— Kaspıı qubyr konsortsıýmy shtattyq rejımde jumysyn jalǵastyryp keledi, ıaǵnı bizdiń munaıdy qabyldap jatyr. Atap aıtqanda, shekteý joq, — dedi Erlan Aqkenjenov Parlament Májilisinde tilshiler suraǵyna jaýap bere otyryp.
Eske salsaq, byltyr qarasha aıynda Reseıdiń Novorossıısk mańyndaǵy Kaspıı qubyr konsortsıýmynyń (KQK) teńiz termınalyna ekıpajsyz qaıyqtarmen jasalǵan shabýyl saldarynan VPÝ-2 júk tıeý-qabyldaý qurylǵysy zaqymdandy.
Al bıyl aqpan aıynda AQSh prezıdentiniń ákimshiligi Kaspıı qubyr konsortsıýmynyń munaı ınfraqurylymyna jasalǵan soqqylardan keıin Ýkraınaǵa dıplomatııalyq eskertý joldady.
