Energetıka mınıstri elektr jelilerin jóndeý ýaqytyly aıaqtalady dep ýáde berdi
ASTANA. KAZINFORM — QR Energetıka mınıstri Erlan Aqkenjenov elektr stantsııalaryndaǵy jóndeý jumystaryna túsinik berdi.
- Aldaǵy jylytý maýsymyna daıyndyq aıasynda júıelik operator bekitken kestege sáıkes, bıyl elektr stantsııalarynda 10 energııa blogyn, 63 qazandyqty jáne 39 týrbınany jóndeý josparlanǵan. 4 energııa blogynda, 31 qazandyqta jáne 20 týrbınada jóndeý jumystary ártúrli kezeńderde iske asyp jatyr. 5 energııa blogynda, 22 qazandyqta jáne 12 týrbınada jóndeý jumystary aıaqtaldy. Energetıkalyq kózder boıynsha jóndeý jumystaryna 376,7 mlrd teńge ıgerý josparlanǵan, bul byltyrǵy deńgeıden 13 paıyzǵa joǵary, - dedi E. Aqkenjenov Úkimet otyrysynda.
Onyń aıtýynsha, aımaqtyq elektr jelilik kompanııasynyń jelilerinde jalpy uzyndyǵy 17 myń km elektr energııasyn berý jelisin, 420 qosalqy stantsııany, 3,5 myń taratý pýnktin jáne transformatorlyq qosalqy stantsııalardy jóndeý josparlanǵan.
Elektr energııasyn berý jelileriniń 77 paıyzy qosalqy stantsııalardyń 68 paıyzy jáne taratý pýnktteri men transformatorlyq qosalqy stantsııalardyń 73 paıyzy jóndeldi.
- Jylýmen jabdyqtaý jelilerinde 323 km jylý berý jelisin rekonstrýktsııalaý jáne kúrdeli jóndeý boıynsha jumystar josparlanǵan. 215 km nemese 66% oryndaldy. Barlyq jóndeý jumystary merziminde aıaqtalady, - dedi mınıstr.
Budan buryn habarlanǵandaı, Úkimette jylý berý maýsymyna daıyndyǵy tómen óńirler ataldy.