Energetıka mınıstri eldegi benzın baǵasyna túsinik berdi
ASTANA. KAZINFORM — Qazaqstanda benzın men dızel otynynyń qory jetkilikti. Bul týraly Energetıka mınıstri Erlan Aqkenjenov málim etti.
— Qazir janar-jaǵarmaı qory jetkilikti. Benzın qory 36 kúnge, al dızel otyny 34 kúnge jetedi. Osy kólemdi eskere otyryp, otyn naryǵynyń turaqtylyǵyn qamtamasyz etýge qaýqarlymyz, — dedi E. Aqkenjenov Parlament Májilisiniń jalpy otyrysynan keıin tilshiler suraǵyna jaýap bere otyryp.
Onyń aıtýynsha, Energetıka mınıstrligi jaǵarmaı baǵasyna únemi nazar aýdaryp otyr.
— Otyn baǵasy birden 50-100 teńgege sharyqtaıdy degen ýáj shyndyqqa janaspaıdy. Jaǵdaı baqylaýda. Qajet bolǵan jaǵdaıda, mınıstrlik mindetti túrde tıisti shara qabyldaıdy, — dedi vedomstvo basshysy.
Eske salsaq, buǵan deıin Energetıka vıtse-mınıstri Erlan Aqparov benzın baǵasy birtindep kóterilýi múmkin ekenin aıtqan edi.
