Energetıka mamandary páterlerde jylý rettegishterdi zańsyz ornatqandarǵa aıyppul salady
ASTANA. QazAqparat - Astana qalasynyń energetıka basqarmasy páterlerde jylý retteýshi quraldaryn paıdalaný týraly pikir bildirdi, dep habarlaıdy elorda ákimdiginiń medıa ortalyǵy.
Energetıka basqarmasynyń basshysy Baqtybek Japaev arnaıy quraldardy PIK-ter men «Astana-Teplotranzıt» ruqsaty arqyly ǵana paıdalanýǵa bolatynyn habarlady. Jylý retteýish quraldy ornatpas buryn atalǵan mekemelerdi habardar etý kerek. Eger qurylǵy sertıfıkattalǵan bolsa, úıde gıdravlıkalyq qalyp saqtalsa, organdar ruqsat beredi. Olaı bolmasa, aıyppul salynady.
«Eger jylý retteýish zańsyz ornatylsa, onda ol úıdiń gıdravlıkalyq rejımi buzylady. ıAǵnı bireýde jyly, bireýde sýyq bolady. Onyń saldary júıege jeldiń tolýyna ákep soǵady. Búgin biz ókiletti organ bolyp tabylamyz. Biz «Astana -Teplotranzıt» AQ, turǵyn úı ınspektsııasynyń mamandarymen kelip, atalǵan fakt boıynsha tekseremiz. Tipti aıyppul da salamyz. Aıyppul kólemi kelgen shyǵynǵa baılanysty bolady, - deıdi B.Japaev.
Esterińizge salamyz, 27 qyrkúıek Astanada jylý maýsymy resmı túrde birile bastady. Al jaqynda jylý berý mektepterde, balabaqshalarda, densaýlyq saqtaý jáne mádenıet nysandarynda qosyldy.
Jaqynda qalalyq energetıka basqarmasy elorda mektepteriniń, emhanalarynyń, mádenıet nysandarynyń jylý berý maýsymyna 100% daıyndyǵyn málimdedi. Kópqabatty turǵyn úıler de jylý qabyldaýǵa tolyǵymen daıyn.
