Energetıka qadaǵalaý komıteti aýmaqtyq departamentiniń ókilderi Pavlodardaǵy JEO-larǵa bardy

ASTANA. QazAqparat - Atomdyq jáne energetıkalyq qadaǵalaý men baqylaý komıteti Pavlodar oblysy boıynsha aýmaqtyq departamentiniń ókilderi energetıkalyq kásiporyndardyń aldaǵy kúzgi-qysqy kezeńge daıyndyǵyn baqylaý sheńberinde Pavlodar qalasynyń barlyq JEO-laryna bardy, dep habarlaıdy Energetıka mınıstrliginiń baspasóz qyzmeti.

Departament qyzmetkerleri energetıkalyq jabdyqtardyń aǵymdaǵy jaı-kúıimen, jóndeý naýqanynan ótýimen tanysty. Energııa kásipornynyń basshylyǵymen jylytý maýsymynyń, qazandyqtar men týrbınalardyń avarııalyq toqtaýlarynyń ótýiniń ózekti máseleleri, aldaǵy jylytý maýsymyna daıyndyq sheńberinde jóndeý jumystaryn ýaqtyly, sapaly júrgizý táýekelderi talqylandy.

«Pavlodarenergo» AQ 2-JEO boıynsha №1 jáne №3 eki qazandyq agregatyn, №2 jáne №3 eki týrboagregatyn jóndeý josparlanǵan.

№1 bir qazandyq agregaty 2023 jyldyń 1 shildesine deıin jóndeýde, jumys kóleminiń naqty oryndalýy – 68%. Jóndeý personalynyń 28 adamy jumyldyrylǵan.

Qalǵan jabdyqtar boıynsha jóndeý jumystary shilde aıynda bastalady.

«Pavlodarenergo» AQ 3-JEO boıynsha №2, 4, 6 úsh qazandyq agregatyn jáne 2 №2, 3 eki týrboagregatty jóndeý josparlanǵan.

Qazir №4 qazandyq agregaty jóndelýde. Qosymsha jumystardyń bolýyna baılanysty aıaqtalý merzimi 2023 jylǵy mamyrdyń ortasynan 12 maýsymǵa aýystyryldy, jumystardyń naqty oryndalýy – 85%, jóndeý personalynyń sany - 37 adam. Sondaı-aq №3 týrboagregat 2023 jyldyń 19 maýsymyna deıin jóndelýde, jumystyń oryndalýy – 57%, 7 adam jumyldyrylǵan.

«Pavlodarenergo» AQ basshylyǵyna birqatar problemalyq máselelerge nazar aýdarý qajettigi aıtyldy. Jóndeý personalynyń sanyn kóbeıtý qajet. 2-JEO jáne 3-JEO qazandyqtary boıynsha aýa jylytqyshy men sý ekonomaızeriniń tekshelerin aýystyrýdyń tıisti kólemi jóndeý naýqanyna kirgen joq. Sondaı-aq jetkizilgen kómir úshin bar bereshekti óteý boıynsha jumysty jedeldetý qajet.

«Qazaqstan alıýmınııi» AQ 1-JEO-da №7 jáne 8 eki qazandyqty jáne №1 bir týrboagregatty jóndeý josparlanǵan.

№7 qazandyq 2023 jyldyń 10 shildesine deıin jóndeýde, oryndalýy – 51%, 123 adam tartylǵan, №8 qazandyq 2023 jyldyń 29 tamyzyna deıin jóndeýde. №2 qazandyqqa aǵymdaǵy jóndeý júrgizildi.

№ 7 jáne №8 qazandyqtar boıynsha jóndeý jumystary grafıkten artty qalyp jatqany eskertildi.

Jóndeý kampanııasynyń ótýi jáne Pavlodar qalasynyń JEO-lary aldaǵy kúzgi-qysqy kezeńge daıyndyǵy Atomdyq jáne energetıkalyq qadaǵalaý men baqylaý komıtetiniń Pavlodar oblysy boıynsha aýmaqtyq departamentiniń turaqty baqylaýynda.