Energetıka ekonomıkanyń tejeýishi bolmaýy kerek - Almaty jylý elektr stantsııasynń Basqarýshy dırektory
ALMATY. 24 tamyz. QazAqparat - Energetıkanyń damýy ekonomıkanyń ósiminen ilgeri bolý kerek.
Bul búgin Almatyda ótip jatqan «Energetıkany damytý halyqtyń ál-aýqatyn kóterýdiń negizi» degen taqyryptaǵy V halyqaralyq ǵylymı-tájirıbelik konferentsııada sóz boldy. «Qazaqstan-2030: áleýmettik-ekonomıkalyq jáne saıası damýdyń negizgi baǵyttary» forýmy aıasynda ótkizilgen bul sharany «Nur Otan» HDP Parlamentarızm ınstıtýty uıymdastyrǵan bolatyn.
«Energetıka - óte kúrdeli sala. Ony árdaıym baqylap, qarap otyrmasa sheshilmeıtin suraqtary kóbeıip ketýi múmkin. Ol ekonomıkamen tyǵyz baılanysty. Energetıka artta qalsa ekonomıkanyń damýy keıin qalyp qoıady. Energetıka joǵary jyljıtyn bolsa ekonomıka da alǵa júredi. Energetıka ekonomıkanyń tejeýishi bolmaýy kerek. Olar qatar júrýi tıis. Meniń oıymsha, energetıka tipti ekonomıkadan alda bolýy qajet», - deıdi Almatydaǵy №1 jylý elektr ortalyǵynyń atqarýshy dırektory Isahan Syrǵabaev.
I.Aqtanulynyń aıtýynsha, energetıka ekonomıkanyń basqa salalaryn ózimen birge alǵa tartyp otyrý kerek. 80 jyldardyń aıaq sheninde energetıka salasynda qural-jabdyqtar men qubyrlardy aýystyrý máseleleri jıi kóterilse de, óz sheshimin tolyq taba almaı keledi. Bul ahýal tek sońǵy 5-10 jyldyń kóleminde oń baǵytta ózgere bastady. Salaǵa qomaqty qarjy kelip, qural-jabdyqtar, qubyrlar aýystyrylyp, jóndele bastady. Isahan Syrǵabaevtyń sózine qaraǵanda, «Jalpy bul saladaǵy eń negizgi másele qazir ekologııaǵa qatysty bolyp otyr. Bul ahýal Almatyda da eń kókeıkesti bolýda. Budan bólek ońtústik óńirde energetıkalyq tapshylyq máselesi ózekti jáıttiń biri bolyp otyr. Moınaq, Balqash sý elektr stantsııalarynyń salynýy osy túıindi sheshý úshin jasalýda».
