Endigide jeke daýlar boıynsha medıatsııa tártibin qoldaný mindetti bolady
Memleket basshysynyń Respýblıka sýdıalarynyń VII sezinde bergen tapsyrmasyn júzege asyrý úshin medıatsııany qoldaný salalaryn odan ári keńeıtý maqsatynda jeke sanattaǵy daýlardy (janjaldardy) medıatsııa tártibimen sotqa deıin retteý mindettiligi boıynsha Joǵarǵy Sot pılottyq jobany iske qosty.
Pılottyq jobany iske asyrý jónindegi tıisti ereje Joǵarǵy Sot tóraǵasynyń ókimimen bekitildi.
Joba sheńberinde muragerlik, nekeni buzý, múlikti bólý, shyǵarý jáne kondomınıým basqarý máseleleri, qaryz sharttarǵa qatysty, keıbir eńbek daýlary jáne t. b. sanattaǵy daýlar (janjaldar) boıynsha medıatsııany mindetti túrde júrgizý qamtylady.
Pılottyq joba kámeletke tolmaǵandardyń isteri jónindegi mamandandyrylǵan aýdanaralyq, mamandandyrylǵan aýdanaralyq ekonomıkalyq jáne azamattyq isterdi qaraıtyn aýdandyq jáne olarǵa teńestirilgen sottarda júzege asyrylady.
Pılottyq joba sheńberinde sottar turǵyndar arasynda túsindirý jumystaryn júrgizýde. Atap aıtqanda, sot ǵımarattarynda aqparattyq stendter ornalastyrylyp, jergilikti sottardyń ınternet-resýrstarynda pılottyq jobany iske asyrý barysy týraly aqparat jarııalandy.
Joǵarǵy Sot Qazaqstan halqy Assambleıasymen arada qol qoıǵan Memorandým sheńberinde medıatsııa ınstıtýtyn damytý boıynsha, balamaly jáne ózge de sottan tys daýlardy sheshý tásilderin, atap aıtqanda, qoǵamda janjal dengeıin tómendetýge yqpal etetin medıatsııany engizý jáne damytý boıynsha ózara is-qımyldy júzege asyrýda, turǵyndar arasynda sotqa deıingi is júrgizý jáne daýlardy (janjaldardy) sottan tys retteý ınstıtýttary týraly, olardy qoldaný artyqshylyqtary, notarıýstyń atqarý jazbasyn jasaý arqyly kommýnaldyq qyzmet bereshegi somalaryn óndirip alý rásimin jeńildetý týraly túsindirý jumystaryn júrgizýde, otstavkadaǵy sýdıalardy tarta otyryp, medıatsııa kabınetteri ashylýda.
