Endigi mindet - aǵymdaǵy jylǵy rekordtyq astyq túsimin saqtap qalý - K.Másimov
ASTANA. 27 qyrkúıek. QazAqparat /Marlan Jıembaı/ - "Endigi mindet - aǵymdaǵy jylǵy Qazaqstandaǵy osy rekordtyq astyq túsimin saqtap qalý", - dedi QR Premer-Mınıstri Kárim Másimov búgin selektorlyq formatta ótken Úkimet otyrysynda.
«Memleket basshysy Úkimetke, salalyq mınıstrlikterge, ákimderge, aýyl sharýashylyǵy taýarlaryn óndirýshilerge óte naqty tapsyrma berdi. Sonymen qatar osyndaı astyqtyń bitik shyǵýy úshin jáne osy túsimin saqtaý úshin barlyq múmkindikter men resýrstar berdi. Bul óte úlken kómek. Endi Elbasy bizden talap etýge quqyly. Endigi mindet - aǵymdaǵy jylǵy Qazaqstandaǵy osy rekordtyq astyq túsimin saqtaý», - dedi K.Másimov.
Aıta keteıik, oblystyq ákimdikterdiń aýyl sharýashylyǵy departamenteriniń málimetterine qaraǵanda, qazirgi tańda respýblıka boıynsha 12,8 mln. gektar alqaptyń astyǵy jınaldy. Ortasha shyǵymdylyǵy gektaryna 15,8 tsentnerdi qurap, 20,2 mln. tonna astyq bastyryldy. Bul 2010 jylǵy deńgeıden gektaryna 7,1 tsentnerge artyq.
