Endi jolaqyny uıaly telefon arqyly tóleýge bolady
ASTANA. QazAqparat - 2014 jyldyń aıaǵynan bastap máskeýlik avtobýs, trolleıbýs jáne tramvaı jolaýshylary jolaqysyn uıaly telefon arqyly tóleı alady. Bul týraly Máskeý kólik departamenti kózderine silteme jasaı otyryp, «Izvestııa» gazeti habarlady.
Uıaly telefon arqyly aqy tóleý úshin olardyń arnaıy SIM-kartalary bolýy qajet. Jolaýshy óziniń osyndaı SIM-kartasy bar telefonynan habarlama jiberedi, artynsha onyń telefonyna elektrondyq bılet keledi. Sodan keıin apparatty valıdatorǵa qosý qajet, aıdyń aıaǵynda abonent esebinen jol aqysyna jumsalǵan soma eseptelinip alynatyn bolady.
Kólik departamenti júıeni synaqtan ótkizgen jáne úsh iri uıaly baılanys operatorlarymen («VympelKom» (Beeline), MTS jáne «MegaFon») kelissóz júrgizgen, olar jobaǵa qatysýǵa tilekterin bildirip otyr.
Derekkózdiń aıtýynsha, osy jyldyń sáýirinde qajetti baǵdarlamalyq qamtamasyz etýdi ázirleýge konkýrs jarııalanady, al jeltoqsanda jobany iske qosý josparlanýda - ol úshin bıýdjetten 9 mln. rýbl qarajat bólingen.
