Endi jas býynnyń damýyna meniń kómektesetin kezegim keldi – Elena Rybakına

NUR-SULTAN. QazAqparat – Ýımbldon-2022 chempıony Elena Rybakına týrnırdegi jeńisi úshin alatyn júldesi esebinen jas sportshylarǵa qoldaý bildirmek. Bul týraly ol Úkimet basshysy Álıhan Smaıylovpen kezdesýi barysynda aıtty, dep habarlaıdy QazAqparat QR Premer-Mınıstriniń resmı saıtyna silteme jasap.

«Meniń oıymsha, týrnır uıymdastyrǵan nemese jas oıynshylarǵa grant taǵaıyndaǵan durys bolady. Sebebi, men munda zor qoldaýǵa ıe boldym. Endi jas býynnyń damýyna meniń kómektesetin kezegim keldi», - dedi Elena Rybakına.

Sondaı-aq, sportshy qaıyrymdylyq pen ıýnıorlardy qoldaýdan bólek, qarajattyń bir bóligin janýarlarǵa kómektesýge jumsaýdy josparlap otyr.

Buǵan deıin habarlaǵanymyzdaı, Memleket basshysynyń Jarlyǵymen sporttaǵy asa úzdik jetistikteri jáne halyqaralyq yntymaqtastyqty damytýǵa qosqan úlesi úshin Qazaqstan Respýblıkasy Mádenıet jáne sport mınıstrliginiń «Sportty damytý dırektsııasy» RMQK sportshy-nusqaýshysy Elena Andreevna Rybakına ІІ dárejeli «Dostyq» ordenimen marapattaldy .

Ýımbldon týrnırinde tarıhı jeńiske jetken qazaqstandyq tennısshi Elena Rybakınaǵa II dárejeli «Dostyq» ordenin QR Premer-Mınıstri Álıhan Smaıylov tabystady.

Qazaqstannyń birinshi, álemniń 23-raketkasy Elena Rybakına alǵash ret Ýımbldon týrnıriniń chempıony atanǵan bolatyn.

Prezıdent Qasym-Jomart Toqaev Elena Rybakınany tarıhı jeńisimen quttyqtap,

halyqaralyq arenada elimizdiń abyroıyn asqaqtatqany úshin alǵys aıtty.

Ýımbldon chempıony Elena Rybakına barsha jankúıerlerine alǵysyn jetkizip,

Qazaqstanǵa qaıtatynyn aıtty.

Astanalyqtar Ýımbldon-2022 chempıony Elena Rybakınany áýejaıdan qarsy aldy.

Foto:primeminister.kz