Endı Ýorholdyń kartınasy bássaýdada 32,6 mıllıon dollarǵa satyldy
ASTANA. QazAqparat - AQSh-tyń ataqty sýretshisi ári jazýshysy Endı Ýorholdyń «Bir dollar» (kúmis sertıfıkat) atty kartınasy Sotheby's aýktsıonynda kollektsııa jınaýshylardyń birine 32,6 mıllıon dollarǵa satyldy.
Sýretshi ony 1962 jyly salǵan bolatyn. Bir aıta keteri, bássaýdada bul shyǵarmaǵa 4 kollektsıoner talasqan. Onyń bastapqy baǵasy 18 mıllıon dollar bolǵan. Saýda barysynda eki esege kóterildi.
Sondaı-aq bássaýdaǵa Endı Ýorholdyń budan ózge de ondaǵan kartınalary qoıyldy. Br qyzyǵy, bári de banknottar. Olardyń segizi satyldy.
