Endi Tramptyń telefonyn tyńdamaımyn - Kemeron
ASTANA. QazAqparat - Ulybrıtanııanyń burynǵy premer-mınıstri Devıd Kemeron Donald Tramptyń telefonymdy tyńdady dep Barak Obamany aıyptaǵan málimdemesine qatysty ázildedi, dep jazady Life.ru.
Associated Press agenttiginiń habarlaýynsha, Rod-Aılendtiń Braýn ýnıversıtetinde (AQSh) sóz sóılegen Kemeron «premer laýazymynan ketýdiń eń basty artyqshylyqtarynyń biri endi Tramptyń telefonyn tyńdamaımyn» dedi.
«Bul, árıne, qaljyń», - dep atap ótti Kemeron.
Eske sala ketsek, buǵan deıin AQSh prezıdenti Donald Tramp Barak Obamany telefondaǵy áńgimelerimdi tyńdady dep aıyptaǵan edi. Ol úshin Obama brıtandyq tyńshylardan kómek suraǵan dep esepteıdi. Alaıda Tramp óz sózderine eshqandaı aıǵaq keltirmedi.
