Endi tatýlasý arqyly isti qysqartý jábirlenýshiniń erkine baılanysty bolmaq - Bas prokýratýra

ASTANA. QazAqparat - Tirkelgen qylmystardyń 90 paıyzyn onsha aýyr emes nemese aýyrlyǵy ortasha qylmystar quraıdy. Bul týraly búgin Astanada ótip jatqan semınar-keńeste QR Bas prkýrorynyń orynbasary Jaqyp Asanov málim etti.

«Jańa Qylmystyq kodeske toqtalatyn bolsaq, onda birqatar jańa erejeler bekitilgen. Jalpy, búgingi kúni tirkelgen qylmystardyń 90 paıyzyn onsha aýyr emes nemese aýyrlyǵy ortasha qylmystar quraıdy. Jańa Qylmystyq kodeks boıynsha, eger de aıyptalýshy jábirlenýshimen tatýlasyp, keltirilgen zııannyń ornyn toltyrsa, onda qylmystyq jaýaptan bosatylady. Eń basty talap - adam qazasynyń bolmaýy. Jalpy mundaı múmkindik qazirgi Kodekste de bar, biraq eki jaq ózara kelisse de, qylmystyq isti qysqartý - ol tergeýshiniń, prokýrordyń nemese sottyń quqyǵy. Árıne, bul jemqorlyqqa jol ashady», -dedi J. Asanov Qylmystyq atqarý kodeksi jáne Ákimshilik quqyq buzýshylyqtar týraly kodeksiniń jańa modeline kóshý máseleleri boıynsha ótken semınar-keńeste.

Osy oraıda ol jańa Kodekske saı osy tártip ózgerip otyrǵandyǵyn atap ótti. Endi tatýlasý arqyly isti qysqartý jábirlenýshiniń erkine ǵana baılanysty.

«Jańa Qylmystyq is júrgizý kodeksiniń basty maqsaty - sot úderisin jeńildetý, isterdiń tez qaralýyn qamtamasyz etý, osy arqyly tıimdiligin arttyrý. Birinshiden, bul Kodeks sottyń rólin biraz kúsheıtedi. Tergeý sýdıasy degen jańa tulǵa paıda bolmaq»,-dedi J. Asanov.

Tergeý sýdıasy tergeýshiniń, prokýrordyń kez kelgen sheshimi men áreketiniń zańdylyǵyn tekserip, olardyń kúshi joıa alady.