Endi óz baspanasy joq adamdar jumys ornyna tirkele alady
ASTANA. QazAqparat - Budan bylaı óz baspanasy joq azamattar jumys ornynda tirkelse de bolady.
1 qańtardan bastap qoldanystaǵy zańnamaǵa osyndaı ózgertýler engizildi. Al óz úıinde turmaıtyn azamatty tirkeýge qoıǵan páter ıelerine aıyppul salynady. Qazir attap bassańyz «turǵylyqty mekenjaıǵa tirkeýge turǵyzyp beremin» degen habarlandyrý aldyńyzdan shyǵady. Tipti alysqa barýdyń qajeti joq. Aqysyn tóleseńiz úıde jatyp-aq, ǵalamtor arqyly da tapsyrys bere alasyz. Habarlassańyz bolǵany, «sharýańyzdy 10 mınýtta tyńdyryp beremiz dep ýádeni úıip-tógedi.
Astanada tirkeýge turýdyń 7 myń teńgeden kemi joq. Osyndaı zańsyzdyqtyń jolyn kesý úshin birinshi qańtardan bastap qoldanystaǵy zańnamaǵa ózgerister engizildi.
Buryn azamattar 10 kún ishinde tirkelýge mindetti bolsa, qazir tıisti páter taýyp, esepke turǵansha 3 aıǵa deıin eskertý jasalady. Eger bul merzimnen asyp ketse aldymen 5 aılyq eseptik kórsetkish mólsherinde aıyppul salynbaq. Sondaı-aq páterinde turmaıtyn azamatty tirkeýge qoıyp, zańdy belshesinen basyp paıdaǵa kenelmek bolǵandar da jazadan jaltara almaıdy, dep jazady 24.kz.
