Endı Lı: Golovkınniń beldikterin ıelengim keledi
ASTANA. QazAqparat - Orta salmaqtaǵy (72,6 kg deıin) WBO nusqasy boıynsha álem chempıony Endı Lı óziniń soqqylarynyń kúshi Golovkınnen osal emes dep sanaıdy. Sondyqtan da 2016 jyly onymen kúsh synasýy múmkin ekenin aıtty. Bul týraly GGG-diń VKontakte jelisindegi resmı tobynyń paraqshasynda habarlady.
«Maǵan onyń chempıondyq beldikteri unaıdy. Ádemi. Men onyń beldikterin tartyp alǵym keledi. Ol da menikin alýǵa qarsy emes», - dedi ol.
«Men onymen 18 jasymda bozbala kezimde áýesqoı boksta kezdeskem. Biraq ol kezde onyń álem chempıony ekenin bilmedim. - Maǵan ol jekpe-jek óte qıyn boldy. Biraq ýaqyt ótti. 14 jyl artta qaldy, ekeýmiz de eseıdik. Golovkın - myqty boksshy, ol óziniń qarsylastarynyń barlyǵyn tize búktirdi. Biraq ol men sııaqtylarmen áli kezdesken joq. Meniń soqqylarymnyń kúshi Golovkınnen osal emes. Ol men sııaqtylarmen kezdesken kezde ne bolatynyn kóremiz», - dedi Lı.
