Endi Qazaqstanda tıimdi sot oryndaýshysyn anyqtaýǵa bolady
Óndirip alýshy onyń is júrgizýimen kim aınalysatynyn ózi anyqtaýǵa quqyly (Jeke sot oryndaýshylarynyń arasynda atqarýshylyq qujattardy bólý qaǵıdalarynyń 6-tarmaǵy).
«Bul tańdaý anaǵurlym salmaqty bolýy úshin Quqyqtyq statıstıka jáne arnaıy esepke alý jónindegi komıtettiń service.pravstat.kz Aqparattyq servısinde «Jeke sot oryndaýshysy jumysynyń tıimdiligi» jańa resýrsy quryldy. Óndirýshi osy servısti paıdalana otyryp óz óńirindegi barlyq jeke sot oryndaýshylarynyń tizimimen tanysýǵa jáne olardyń jumysynyń tıimdiligin baǵalaýǵa múmkindik alady»,-dep habarlady komıtettiń bapasóz qyzmeti.
Óńirdi tańdaǵannan keıin ekranda osy aımaqta qyzmetin júzege asyratyn oryndaýshylardyń tizimi jáne olar oryndaǵan qujattardyń sany týraly málimetter kórsetiledi.
Jeke sot oryndaýshysynyń ornalasqan jeri (zańdy mekenjaıy) týraly málimetter QR Ádilet mınıstrliginiń adilet.gov.kz. saıtynda «Jeke sot oryndaýshylarynyń baılanys derekteri» qosymsha betinde ornalasqan.
«Bas prokýratýranyń Komıteti halyqtyń paıdalanýy úshin yńǵaıly aqparattyq servısterdi jetildirý jónindegi jumysty jalǵastyryp jatqanyn habarlaımyz»,-delingen habarlamada.