Endi Qazaqstanda kez kelgen adam Nokia telefondary arqyly shetel tilderin úırene alady
MATY. 14 qyrkúıek. QazAqparat /Ádilet Musahaev/ - Astanada «Digital Communications Kazakhstan 2011» atty Halyqaralyq kórmede tilderdi utqyr oqytý jobasy usynyldy.
Ál-Farabı atyndaǵy Qazaq ulttyq ýnıversıteti jáne «Elektrondy oqytýdy damytý» qoǵamdyq bilim berý qory, halyqaralyq "So To Speak AB" kompanııasy Qazaqstandaǵy Nokia ókildiginiń qoldaýymen shetel tilderin úıretýge qatysty birlesken jobany buqara nazaryna usyndy.
Joba uıaly telefon arqyly Hofso ádistemesin paıdalana otyryp, shetel tilderin úıretýge negizdelgen. Ádistemeniń avtory, «So To Speak» kompanııasynynyń dırektory, polıglot Karl Hofsonyń qatysýymen ótken arnaıy semınarda QazUÝ oqytýshylary jáne Qazaqstannyń basqa joǵary oqý oryndarynyń oqytýshylary teorııalyq daıyndyqtan ótip, utqyr úıretýdiń tájirıbelik paıdalanýyn meńgerdi.
Prezentatsııa aıasynda uıymdastyrylǵan baspasóz máslıhatta Ál-Farabı atyndaǵy Qazaq ulttyq ýnıversıtetiniń gýmanıtarlyq fakýltetterge arnalǵan shet tilder kafedrasynyń meńgerýshisi Ásel Shaıahmet Hofsonyń ınnovatsııalyq ádistemesi stýdentterge shetel tilin meńgertýde úlken septigin tıgizetindigin, al shetel tilin jetkilikti túrde bilgen stýdentter akademııalyq utqyrlyqqa qatysty bilim berý baǵdarlamalaryna qatysa alatynyn aıtyp ketti.
Jobany júzege arttyrý - QazUÝ-daǵy tilderdi úıretý ınnovatsııalyq ortalyqtyń ashylýyna baılanysty jasalǵan alǵashqy qadam. Ortalyqta eń ozyq ádister men tehnologııalar júzege asatyn bolady. Bul áreket joǵary oqý ornynyń zertteý ýnıversıtetine aınalý úderisindegi mańyzdy bóligi jumysy.
Úsh aıdyń arasynda ál-Farabı atyndaǵy QazUÝ-dyń 200 stýdenti utqyr ádisteme boıynsha aǵylshyn tilin oqıdy. Oqý kezinde úırenýshilerdiń jetistikterine monıtorıng jáne avtorlyq baqylaý júrgizilip otyrady. Jınaǵan nátıjelerdiń negizinde ýnıversıtet oqytýshylary ádistemeni oqytý baǵdarlamalaryna ıkemdelý maqsatynda usynystaryn beretin bolady. Utqyr úıretýge qatysty jalpylanǵan QazUÝ tájirıbesine alda elimizdiń basqa joǵary oqý oryndary da qol jetkize alady.
«So To Speak" kompanııasynyń dırektory jáne ádisteme avtory Karl Hofso: «Tildik jaǵdaıat jaǵynan Qazaqstan erekshe memleket, - dep sanaıdy. Sheteldik ǵalym: «Elbasy Nursultan Nazarbaev Qazaqstannyń ár azamaty úsh tilde - qazaqsha, oryssha jáne aǵylshynsha - erkin sóıleý kerek dep talap etti. Bizdiń kýrstarymyzdyń bir ereksheligi - olardyń barlyǵy shet tilinde aýyzeki sóıleýdi úıretýge arnalǵan. Qysqa merzimde stýdentter shet tilin aýyzeki tilde túsinip, ózderiniń ana tilinde sóılegendeı, jaýap berýge úırenedi», - deıdi.
«Endi Qazaqstanda kez kelgen adam Nokia telefondary arqyly shetel tilderin úırene alady, - deıdi Ońtústik TMD elderindegi Nokia basshysy Karel Golýb. Bul joba Nokia-nyń utqyr tehnologııalaryn ary qaraı taratý jáne álemde taǵy da bir mıllıard halyqtyń utqyr ınternetke qosylýyna baǵyttalǵan sozylyńqy jahandyq strategııasynyń bólshegi bolyp tabylady.
Halyqaralyq kórme Astanada qyrkúıektiń 14-nen 16-na deıin jumys isteıdi, oǵan aqparattyq-kommýnıkatsııalyq saladaǵy iri halyqaralyq jáne qazaqstandyq kompanııalar qatysýda.
