Endi Qazaqstanda 1-synyp oqýshylary 5 kún oqıdy - A.Sárinjipov
ASTANA. QazAqparat - 2015-2016 oqý jyldarynda ilki joba retinde birqatar mektepterde 1-synyp oqýshylary úshin aptasyna bes kúndik oqý baǵdarlamasy engiziledi.
Bul jóninde búgin "Jańa bilim berý baǵdarlamalary, ınnovatsııalar jáne quzyrettilik tásil - mektep tabysynyń kilti" taqyrypta ótip jatqan bilim berý qyzmetkerleriniń respýblıkalyq tamyz pedagogıkalyq keńesinde QR Bilim jáne ǵylym mınıstri Aslan Sárinjipov habarlady.
"Bıyl ilki joba retinde birqatar mektepterde birinshi synyp oqýshylary úshin bes kúndik oqý baǵdarlamasy engiziledi. Tıisti usynystardy mektepterge jiberdik. Sonymen qatar, respýblıkamyzdyń eki qalasynda mektepterdegi jan basyna qarjylandyrý tásili jalǵasady",-dep málim etti mınıstr.
Onyń aıtýynsha, Qaraǵandy men Túrkistan qalalarynyń 63 mektebinde 10-11 synyptarda jan basyna qarjylandyrý tásili synaqtan ótip jatyr. "Bul tájirıbe oqýshylarynyń sany kóp mektepterge tıisinshe kóp qarjy bólýge múmkindik beredi",-dep túsindirdi A.Sárinjipov.
