Endi «Qazaqstan barysynyń» dámin tatýǵa bolady
ASTANA. QazAqparat - Kóp uzamaı «Qazaqstan barysy» atty sút satylymǵa shyǵady. Bul týraly týrnırdiń Instagram-daǵy resmı paraqshasynda habarlandy.
«Jaqyn kúnderi elimizdiń dúkenderinen «Qazaqstan barysy» atty sútti satyp alýǵa bolady. Jetistikke bizben birge jetińizder», - delingen aqparattyq habarlamada.
Eske sala keteıik, qazaq kúresinen «Qazaqstan barysy» týrnıri 2010 jyldan bastap ótkizilýde. Joba halyqtyq sıpatqa ıe bolyp, elimizdiń sport ómirindegi eń eleýli sharalardyń biri dep tanylyp otyr.
Bıyl ulttyq joba 29 maýsymda ótedi. Týrnırge Qazaqstannyń barlyq óńirlerinen jalpy 23 palýan qatysady. Bas syılyq - altyn «Taıtuıaq». Onyń quny resmı derekter boıynsha 150 myń dollarǵa teń.
