Endi halyq qosymsha kelisýlerdi kútpesten jedel aqparat alatyn bolady - Dáýren Abaev
Іs-áreketter algorıtmine saı, qandaı da bir aqparat qosymsha kelisimdi kútpesten, azamattarǵa burynǵydan tezirek taratylatyn bolady.
Bul týraly Feısbýk áleýmettik jelidegi óziniń jeke paraqshasynda QR Aqparat jáne kommýnıkatsııalar mınıstri Dáýren Abaev málim etti.
Aqparat mınıstri óz áńgimesin «Radıotochka» portalyndaǵy «Perestrelka v Almaty: ocherednoı ınformatsıonnyı proval vlastı» atty materıalǵa qatysty pikir bildirýden bastady.
««Radıotochka» portalynda jaryq kórgen «Perestrelka v Almaty: ocherednoı ınformatsıonnyı proval vlastı» atty maqalany qyzyǵa oqyp shyqtym.
«Maqalaǵa jazylǵan sarapshylardyń jekelegen sózderimen kelisemin. Bul tragedııa aqparattyq áreket etý baǵyty boıynsha birqatar ózekti problemalardyń bar ekenin kórsetti, ony jasyrmaımyn. Qazir mańyzdysy - bul oqıǵadan durys sabaq alyp, qajetti sharalardy qolǵa alý»,-deıdi D.Abaev.
Degenmen, aqparat mınıstri maqalanyń taqyrybyndaǵy «aqparattyq qulaý» týraly pikirmen kelispeıtinin aıtyp otyr.
«Degenmen, «aqparattyq sátsizdik» týraly pikir shynaıy kórinisti durys sıpattamaı turǵanyn jáne bulaı deý ádiletsizdik ekenin aıtqym keledi.
Maqalanyń ózinen mysal keltirsem, mysaly, maqala avtory atys bastalǵan sátten bastap, azamattar Іshki ister mınıstrliginiń resmı baspasóz habarlamasy shyqqanǵa deıin úsh saǵat (!) boıy aqparattyq sergeldeńge salyndy dep jazady.
Alaıda, jýrnalıst qalalyq Іshki ister departamentiniń baspasóz qyzmeti áldeqaıda erte (saǵat 12.28-de) halyqqa antıterrorlyq operatsııa júrip jatqanyn, úıden shyqpaı, halyq kóp jınalǵan jerge barmaýyn eskertti dep jazýdy umytyp otyr. 15 mınýttan keıin qala boıynsha terorlyq qaýiptiń qyzyl deńgeıi jarııalandy.
Baspasóz habarlamasy qajetti aqparat jınalyp, tekserilgennen keıin birden jarııalandy»,-dep túsindirgen D.Abaev.
Bul rette mınıstr jalǵan aqparat kóp taralǵan soń, ony tekserýde de kóp ýaqyt ketkenin eskertip otyr.
«Ózderińiz túsinip otyrǵandaı, jalǵan aqparattyń taralýy jumysty qıyndatty, sebebi ony tekserý úshin jaýapty adamdardyń kúshi, ýaqytsha resýrstar jumsaldy. Osyndaı is-áreket úshin otandyq quqyq normalaryna saı, jaýapkershilik júkteledi jáne osyndaı jaǵdaıda Zańǵa ermeýdiń esh sebebin kórip otyrǵan joqpyn»,-dedi D.Abaev.
Mınıstr 18 shilde kúni tańǵy saǵat 10.50 shamasynda Almatyda bastalǵan atys týraly saǵat 11.00-de estigenin aıtyp otyr.
«Mınıstrliktiń ýákilettiligine qarasty máselelerdiń barlyǵy jedel túrde qaraldy. Halyqqa telearnalar profılaktıkalyq jumysqa baılanysty úziliste ekeni jedel aıtylyp, ınternet saıttar qoljetimdi ekenin habarladyq. Sonymen qatar, telearnalardy tez arada efırge qosý sharalaryn qolǵa aldyq»,-deıdi D.Abaev.
D.Abaev málim etkendeı, Aqparat jáne kommýnıkatsııalar qyzmeti Іshki ister mınıstrligimen birlese aqparatty rastaý ýaqytyn qysqartý máselesin pysyqtaǵan.
«Memlekettik organdardyń jedel aqparattyq áreket etýi jónindegi strategııany jetildirý úshin qazir biz QR Іshki ister mınıstrligimen birge is-áreketter algorıtmin ázirledik. Oǵan sáıkes, halyqqa aqparat qosymsha kelisýlerdi kútpesten, barynsha jedel taratylady»,-dep túsindirdi D.Abaev.
«Sóz sońynda aıtaıyn degenim, vedomstvonyń jumysyn jetildirý úshin syndarly usynystyń barlyǵy mańyzdy. Jáne sizderdiń qoldaýlaryńyzǵa senemiz»,-dedi D.Abaev.
