Endi buralqy ıtterdi aýlaý protsesi mindetti túrde vıdeoǵa túsirilýi kerek

ASTANA. QazAqparat - Buralqy ıt pen mysyqty aýlaıtyndar endi óz jumysynyń barysyn vıdeoǵa nemese fotoǵa túsirýge mindettelýi múmkin. Bul týraly Qazaqstan standarttaý jáne metrologııa ınstıtýty baspasóz qyzmetinen málim boldy, dep habarlaıdy QazAqparat tilshisi.

«Iesi joq janýarlarǵa qatysty kúrdeli máseleler qoǵamnyń jiti nazary men jedel áreketin qajet etedi. Bul turǵyda Qazaqstan standarttaý jáne metrologııa ınstıtýty buralqy ıtterdi aýlaý jáne tasymaldaý protsesin retteýge, sondaı-aq ıesiz ıt pen mysyqtardy kútip ustaýǵa ári olarǵa emdeýge baǵyttalǵan tıisti standart jobasyn ázirledi», - delingen atalǵan ınstıtýt málimetinde.

Endi bul standart kelisýden ótý kerek. ıAǵnı, qoǵamnan tıisti usynystar bolsa, olar atalǵan standartqa engizilmek. Osydan keıin ony jyl sońyna deıin bekitý josparlanyp otyr.

«Jańa standartqa sáıkes, endi qaraýsyz júrgen ıt-mysyqty aýlaıtyn qyzmetter bul protsestiń ár kezeńin vıdeoǵa nemese fotoǵa túsirýge mindetti bolady. Bul qadamdar buralqy ıtterge qatysty qatygezdik jaǵdaılaryna jol bermeýge baǵyttalǵan. Aýlaý barysynda olardy óltirýge, sondaı-aq qaýipti bolatyn ýlanǵan azyq túrlerin paıdalanýǵa tyıym salynady. Sonymen qatar, standar aıasynda ıesiz júrgen ıt-mysyqtardy aýlaý jáne tasymaldaý kezinde qoldanylatyn preparattarǵa, qurylǵylar men mehanızmderge qoıylatyn qatań talaptardy belgileıdi», - dep atalyp ótken ınstıtýt aqparatynda.

Sonymen qatar, tasymaıtyn avtokólikterdiń bólek torlarmen, jeldetý júıesimen jabdyqtalýy tıis.

Aıta keteıik, buralqy ıtterdiń qaýyp alýy derekteri jıilep bara jatqany baıqalyp otyr.