Endi aıyptalýshynyń ótinishine qaramastan advokat tergeýdiń barlyq protsesine qatysa alady

ASTANA. QazAqparat – Advokattar aıyptalýshynyń zańdy múddesin qamtıtyn barlyq tergeý jáne ózge de protsestik áreketterge qatysýǵa jiberiledi. Bul týraly Májilis depýtattarynyń bastamasymen ózgeris engizilýi múmkin QR Qylmystyq-protsestik kodeksiniń jańa redaktsııasynda jazylǵan, dep habarlaıdy QazAqparat tilshisi.

«Qylmystyq protsesti júrgizetin organdar men sotqa deıingi tergep-tekserýdi júzege asyratyn adamdar advokatty aldyn ala habardar etýge jáne qorǵalatyn adamnyń óziniń qatysýyna jáne ózi málimdegen ótinishhattarǵa qaramastan, óziniń qorǵaýyndaǵy adamnyń quqyqtary men zańdy múddelerin qozǵaıtyn barlyq tergeý jáne ózge de protsestik áreketterge qatysýǵa jiberýge mindetti», - delingen Qylmystyq-protsestik kodekstiń jańa redaktsııasynda.

Kodekstiń qoldanystaǵy talabynda mundaı norma joq. Depýtattardyń pikirinshe, osy erejeniń bolmaýy aıyptalýshynyń múddesin qorǵaıtyn mamannyń kásibı qyzmetine shekteý bolyp otyr.