Endi avtokólikti júrgizý úshin berilgen senimhatty onlaın túrde alýǵa bolady
ASTANA. QazAqparat - Qazaqstannyń elektrondyq úkimet portalynda QR ishki ister mınıstrliginiń jańa onlaın-qyzmeti iske qosyldy. Qyzmet portal paıdalanýshylaryna avtokólikti júrgizý úshin berilgen senimhatty ózdiginen alýyna múmkindik beredi, dep habarlaıdy «Ulttyq aqparattyq tehnologııalar» atsıonerlik qoǵamynyń basasóz qyzmeti habarlady.
«Ulttyq aqparattyq tehnologııalar» AQ Basqarma tóraǵasynyń elektrondyq qyzmetter jáne servıster jónindegi orynbasary Talǵat Ismaǵambetov bul jańalyqtyń artyqshylyǵyn atap ótti. Onyń aıtýynsha, bul úshin ınternetke qoljetimdilik pen elektrondyq tsıfrlyq qoltańba (ETsQ) ǵana qajet. Budan basqa, endi notarıýs pen TEB júginýdiń keregi joq. Ótinim berýshige sondaı-aq belgili-bir qujattardyń kóshirmesin jasaý kerek emes, elektrondyq formanyń qajetti alańdaryn toltyrsa boldy. Qyzmetti qoldaný úshin egov.kz portalynda tirkelgennen keıin «Kólik jáne kommýnıkatsııa» taraýyndaǵy «Avtomobıl kóligi» salymyna kirip Aýyl sharýashylyǵy mınıstrligi júzege asyratyn tirkeýleri qospaǵanda, cenimhat boıynsha kólik quralyn basqarýshy tulǵalardy tirkeý degendi shertý kerek. «Onlaın qyzmetke tapsyrys» batyrmasyna aýysqannan keıin paıdalanýshy senim berilgen tulǵanyń JSN, mekenjaıyn jáne kólik quralynyń memlekettik nómir belgisin, serııasy men kólik quralyn tirkeý týraly kýálik nómirin kórsetý qajet. Sodan keıin ótinimge ETsQ kómegimen qol qoıylady. Ótinim sanalǵan sekýndta ǵana óńdeledi, ótinim berýshi portaldaǵy jeke kabınette daıyn senimhatpen tanysa alady nemese basyp shyǵara alady. Qyzmet tegin kórsetiledi. Barlyq suraqtar boıynsha Biryńǵaı baılanys-ortalyǵynyń 1414 nómiri boıynsha habarlasýǵa bolady, qońyraý shalý Qazaqstan boıynsha tegin.
