Endi aýa raıyn Google Maps arqyly bilýge bolady
ASTANA. 19 tamyz. QazAqparat - Google Maps kartografııalyq qyzmetinde aýa raıy jaıynda málimet beretin jańa bet paıda boldy. Bul jóninde Google LatLong blogynda aıtylǵan, dep habarlaıdy Lenta.rý.
Kartada aýa raıyn kórý úshin tyshqannyń kýrsoryn Google Maps ekranynyń oń jaq buryshyndaǵy vıdjetke aparyp, «Aýa raıy» degen pýnktin belgilep alý kerek.
Meteorologııalyq málimetterdi álemniń kez kelgen núktesinde turyp alýǵa bolady.
Qalanyń ataýyn basyp qalyp, tórt kúnge arnalǵan aýa raıy málimetin alýǵa bolady. Aýa temperatýrasynan bólek, kartada jaýyn-shashyn, ylǵaldylyq, jel jyldamdyǵy men bult qozǵalysy syndy tolyq aqparat beriledi.
Google kompanııasynyń meteorologııalyq málimetterin Weather.com qyzmeti, al bult qozǵalysyn - AQSh-tyń VMS ǵylymı-zertteý ortalyǵy usynady (NRL).
