Endi ańshy kýáligin EGov Mobile qosymshasymen alýǵa bolady

ASTANA. QazAqparat - Endi jańa tsıfrlyq qujat – «Ańshy kýáligi» EGov Mobile mobıldi qosymshasynda qoljetimdi, dep habarlaıdy QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń baspasóz qyzmeti.

Elektrondyq qujat ony 2023 jyldyń qańtarynan bastap resimdegen azamattar úshin qoljetimdi. Tsıfrlyq ańshy kýáligin eGov Mobile qosymshasynda Qazaqstan Respýblıkasynyń aýmaǵynda jeke tulǵanyń ań aýlaý quqyǵyn kýálándyrý úshin paıdalanýǵa bolady.
Jańa tsıfrlyq qujatty tabý úshin eGov Mobile qosymshasynda avtorızatsııadan ótip, basty bettegi «Tsıfrlyq qujattar» bólimindegi «Ańshy kýáligine» basý qajet.
Tsıfrlyq qujat - túpnusqa qujattyń analogy. Qazirgi ýaqytta eGov mobile mobıldi qosymshasynyń «Tsıfrlyq qujattar» servısinde 11,7 mln.astam azamat belsendi paıdalanatyn 24 qujat (jeke kýálik, QR azamatynyń pasporty, júrgizýshi kýáligi, vaktsınatsııa pasporty, PTR testi jáne týý týraly kýálik jáne t. b.) bar. Barlyq tsıfrlyq qujattardy talap etý orny boıynsha usynýǵa bolady, Zańmen elektrondyq qujattyń, ıaǵnı tsıfrlyq qujattardyń, olardyń analogtarynyń balamalylyǵy bekitilgen.