Endi áleýmettik osal toptan shyqqan balalar da mamandandyrylǵan mektepterde oqı alady
Sondaı-aqǵ ol bıyldan bastap el tarıhynda alǵash ret halyqaralyq pándik olımpıadalardyń jeńimpazdary (2022 jyly 27 jeńimpaz) 4,5 mln teńgege deıin syıaqy alǵanyn jetkizgen.
«Sonymen qatar buǵan deıin daryndy balalardy da, áleýmettik osal toptan shyqqan balalardy da qoldaýda merıtokratııa tepe-teńdigin saqtaýdyń mańyzdylyǵyn kórsetetin halyqaralyq zertteýler týraly aıtqan bolatynmyn.
Memleket basshysy áleýmettik osal otbasylardan shyqqan balalardy qoldaý jáne bilim berýdiń ınklıýzıvtiligin damytý jóninde tapsyrma berdi. Osy tapsyrma aıasynda tıisti buıryqqa qol qoıdym. Bul qujat áleýmettik osal otbasylardan shyqqan balalarǵa mamandandyrylǵan mektepterge túsý úshin 15 paıyz kvota alýǵa múmkindik beredi», - dep jazdy mınıstr.
ıAǵnı endi osyndaı otbasylardan shyqqan 1500-ge deıin bala jańa kvota boıynsha «BIL», «Daryn» jáne t.b. mektepterge oqýǵa túse alady.
Ashat Qanatuly búgingi tańda jańa buıryqtyń arqasynda áleýmettik osal otbasylardan shyqqan balalar osyndaı mamandandyrylǵan mektepterge qabyldanǵanyn málimdedi. Turmysy tómen bolǵandyqtan qosymsha bilim alýǵa múmkindigi joq balalar úshin osyndaı mektepterde oqýǵa múmkindik berý olardyń bolashaqtaǵy jetistikterine oń áser etetinine senim bar.
«Buǵan deıin Ulttyq qoǵamdyq senim keńesiniń usynystary aıasynda kolledjder men joǵary oqý oryndaryna túsýge osyǵan uqsas kvotalardy engizgen bolatynbyz. Sol sheshimniń arqasynda myńdaǵan balalar oqýǵa tústi.
Biz jas daryndarǵa da, ózin áli kórsete almaǵandarǵa da teń jaǵdaı jasaýymyz kerek. Al ustazdarymyz ozat balalarǵa da, oqýda úlgerimi nashar bolsa da, qoldaý men jyly sózge muqtaj balalarǵa da meıirimmen qaraıdy dep úmittenemin», - dedi A.Aımaǵambetov.
