Endi AQSh-taǵy týrnırlerge daıyndalýym kerek – Elena Rybakına

ASTANA. QazAqparat – Qazaqstannyń birinshi, álemniń 3-raketkasy Elena Rybakına óziniń Ýımbldondaǵy oıynyna baǵa berdi, dep habarlaıdy QazAqparat tilshisi.

Týrnırdiń baspasóz qyzmetinen málim etkenindeı, qazaqstandyq tennısshi týnıstik Ons Jabermen shırek fınaldaǵy matchtyń qıyn bolǵanyn aıtty.

«Oıyn aýyr bolǵanymen, men munda tamasha eki apta ótkizdim. Maǵan jankúıerlerdiń qarsylasymdy kóbirek qoldaǵany áser ete qoıǵan joq. Men oǵan nazar aýdarmadym. Ótken jylǵy fınalmen salystyrǵanda, ol sáttirek oınady. Ózimde de, ásirese, ekinshi sette kóptegen múmkindikter boldy. Alaıda meniń basty qarýym sanalatyn dop berýdegi dáldigim jetispedi. Esesine ol sheshýshi sátterde óte dál oınaı bildi. Jarysqa chempıon retinde kelý men úshin jańasha boldy. Men alǵashqy matchtarymdy tabysty ótkizgenime maqtanamyn, óıtkeni solardyń ózi ońaıǵa túsken joq. Ár oıyn saıyn kúshti bola tústim. Endi Amerıkadaǵy týrnırler aldynda jumys jasaýym kerek. Osy eki aptadan oń tájirıbe jınadym. Bıyl ata-anamnyń osynda kele alǵanyna qýanyshtymyn. Kishkene demalyp, sosyn daıyndyqqa kirisemin dep úmittenemin», dedi E.Rybakına.

Bıyl tórtinshi «Úlken dýlyǵa» týrnıri – AQSh ashyq chempıonaty 28 tamyz – 10 qyrkúıek aralyǵynda ótedi.

Eske sala keteıik, budan buryn Elena Rybakınanyń Ýımbldonnyń shırek fınalynda jeńilip qalǵanyn jazǵan edik.

ıÝlııa Pýtıntseva Shvetsııadaǵy týrnırdiń shırek fınalyna shyqty.

Qazaqstandyq tennısshiler Ýımbldonda qansha tabys tapty.