Endaýment qorǵa ınvestıtsııa salǵan tulǵalarǵa salyq jeńildikteri berilýi múmkin

ASTANA. KAZINFORM – Elimizde endaýment qorlar týraly zań ázirlenip jatyr. Zań jobasy maquldansa, mundaı qorlarǵa ınvestıtsııa salǵan kásipkerler men kásiporyndarǵa salyq jeńildikteri berilýi múmkin.

Bul jóninde Astanada ótip jatqan endaýment qorlardyń forýmynda aıtyldy. L.Gýmelev atyndaǵy ulttyq ýnıversıtetiniń endaýment qorynyń qamqorshysy Baqytjan Aqannyń aıtýynsha, endaýment qorlardyń jumysyn jandandyrý úshin arnaıyz zań jobasy ázirlengen.

«Qazir qazaqstanda endaýment qorlardyń jumysyn retteıtin arnaıy zań joq. Baqytjan Aqan zań jobasy jazylyp bitkenin, endi talqylap, qabyldaý protsesi qalǵanyn aıtady. «Zań qabyldansa, endaýment qorlardyń qyzmeti jandana túser edi dep oılaımyn. Óıtkeni zańnamaǵa endaýment qorǵa atsalysqan kásipkerler men kásiporyndarǵa salyq jeńildikterin berý usynylyp otyr», - deıdi endaýment qordyń qamqorshysy.

Baqytjan Aqan eldegi joǵary oqý oryndarynyń janynan ǵana qurylǵan 20 shaqty endaýment qor bar ekenin aıtady.

«Qazaqstan boıynsha ár túrli ýnıversıtetterdiń janynan ashylǵan jıyrma shaqty endaýment qor bar. Ár qordyń baǵyty árqalaı. Mysaly, EUÝ endaýment qory muqtajdyǵy bar, áleýmettik turǵyda az qorǵalǵan stýdentterdi qoldaýǵa baǵyttalǵan. ıAǵnı, endaýment qordyń ınvestıtsııalyq tabysyn osyndaı stýdentterdi qoldaýǵa ǵana bólemiz. Qalǵan ýnıversıtetter ǵımarattardy jóndeý jumystaryna, qurylǵylardy satyp alýǵa jumsaıdy. Qysqartyp aıtqanda endaýment qordyń bári ýnıversıtettiń damýyna jumys isteıdi», - dedi ol.

Aıta ketý kerek, endaýment qordyń ózge qorlardan aıyrmashylyǵy jınalǵan aqshanyń negizgi somasy eshqaıda jumsalmaıdy. Qordyń aınalymyndaǵy qarajat túrli qundy qaǵazdarǵa, oblıgatsııalar men depozıtterge ınvestıtsııalanady. Sodan túsken ınvestıtsııalyq tabys qana qordyń maqsatyna ıgeriledi.