Endi jańa Konstıtýtsııany aýdıo jáne beıne formatta tyńdap, kórýge bolady
ASTANA. KAZINFORM — Qazaqstan Respýblıkasynyń jańa Konstıtýtsııasynyń tolyq mátini memlekettik jáne orys tilderinde aýdıo jáne beıne formattarda qoljetimdi, dep habarlaıdy Konstıtýtsııalyq sottyń baspasóz qyzmeti.
Qazaqstan Respýblıkasynyń jańa Konstıtýtsııasynyń kúshine enýine baılanysty Konstıtýtsııalyq Sot onyń tolyq mátininiń memlekettik jáne orys tilderindegi aýdıonusqasyn ázirledi. Sondaı-aq Konstıtýtsııalyq Sottyń áleýmettik jelilerdegi resmı akkaýnttarynda Konstıtýtsııanyń tolyq beınenusqasy jarııalandy.
— Joba azamattardyń Ata Zańǵa teń qoljetimdiligin qamtamasyz etýge baǵyttalǵan. Aýdıoformat kórý qabileti buzylǵan adamdar úshin, sondaı-aq aqparatty tyńdaý arqyly qabyldaýdy qalaıtyn barlyq azamat úshin óte yńǵaıly, — delingen sot taratqan habarlamada.
Qazaqstan Respýblıkasy Konstıtýtsııasynyń tolyq aýdıonusqasy myna silteme boıynsha qoljetimdi.
Aıta keteıik, 1 shildede jańa Konstıtýtsııa kúshine endi. Jalpyhalyqtyq referendým nátıjesinde qabyldanǵan tarıhı qujat memlekettik basqarý júıesin, qoǵamnyń damý baǵytyn túbegeıli ózgertpek. Kazinform tilshisi Ata zań aıasynda qabyldanatyn sheshimder men saıası reformanyń halyq ómirine áserin taldady.
Buǵan deıin májilismen Marat Báshimov jańa Konstıtýtsııada dala demokratııasynyń qaǵıdattary kórinis tapqanyn aıtty.
