Endi zeınetaqy avtomatty túrde taǵaıyndalmaq

ASTANA. KAZINFORM — Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri Qanysh Tóleýshın zeınetaqy rásimdeý protsesin tsıfrlandyrý boıynsha pılottyq joba nátıjeleri týraly aıtyp berdi. 

Onyń aıtýynsha, buryn zeınetaqy taǵaıyndaý protsesi kúrdeli jáne azamattardyń jeke qatysýyn talap etetin. Tólemderdi alý úshin ótinish berý, qujattardy jınaý jáne jumys tájirıbesin rastaý qajet boldy. Qaǵaz derekterin óńdeý kidirister men kezek týdyrdy jáne zeınetaqyny qolmen esepteý kezinde qateler qaýpin arttyrdy.

— Búginde pılottyq rejımde prıntsıpti jańa tásil engizildi. Jasy boıynsha skorıng negizinde júıe zeınetaqy isin avtomatty túrde qalyptastyrady, eńbek ótili týraly málimetterdi tekseredi jáne azamat tarapynan ótinish jasamaı-aq tólemderdi proaktıvti taǵaıyndaıdy, — Qanysh Tóleýshın búgingi Úkimet otyrysynda.

Transformatsııa qyzmet kórsetý merzimin 10 kúnnen 1 kúnge deıin qysqartýǵa, protsedýralyq qadamdar sanyn 6-dan 1-ge deıin qysqartýǵa jáne azamattar úshin protsesti aıtarlyqtaı jeńildetýge múmkindik bergen.

Aıta keteıik, bıyl qazaqstandyqtarǵa 2 trln teńgeden astam zeınetaqy tólendi.