Endi ıAndeks Karty arqyly oryndar men uıymdardy qazaq tilinde izdeýge bolady
ASTANA. KAZINFORM - Endi ıAndeks Karty qoldanbasynda mekemeler men uıymdardy qazaq tilinde izdeýge bolady. Sonyń arqasynda kúndelikti ómirde qazaqsha sóıleıtin paıdalanýshylar ózderine qajetti mekemelerdi ońaı ári yńǵaıly taba alady.
Karty qoldanbasy 15 negizgi sanatqa erekshe kóńil bóldi. Olardyń ishinde: dárihanalar, saýda ortalyqtary, dámhanalar, bankomattar, janarmaı quıý stantsııalary, murajaılar, sulýlyq salondary. Іzdeletin mekemelerdiń 60%-y osy mekemeler.
Sonymen qatar dál qazir ashyq turǵan nemese táýlik boıy jumys isteıtin oryndardy súzgiler qospaı jáne tez tabýǵa bolady. Ol úshin Karty qoldanbasynyń izdeý órisine táýlik boıy ashyq dárihanalar nemese ashyq sulýlyq salondary dep engizseńiz bolǵany.
ıAndeks Karty halyqaralyq óniminiń jetekshisi Evgenıı Shılnıkov: «Ótken jyly biz Karty qoldanbasyn Qazaqstandaǵy paıdalanýshylar úshin beıimdeý jumystarymen belsendi aınalystyq. Toponımder, uıymdardyń ataýlary, ınterfeıs jáne daýystyq sybyrsózder aýdaryldy. Bul baǵytta jasalǵan taǵy bir qadam — memlekettik tilde izdeý sapasynyń jaqsarýy. Endi Qazaqstandaǵy paıdalanýshylar negizgi sanattardaǵy oryndardy qazaq tilinde de, orys tilinde de ońaı taba alady», — dep atap ótti.
ıAndeks Karty qoldanbasyn Google Play Market nemese App Store dúkeninen júktep alýǵa bolady.
ıAndeks Karty — jaıaý nemese kólikpen, mysaly, avtomobılmen nemese avtobýspen jetýge bolatyn marshrýttar qurýǵa kómektesetin navıgatsııalyq qoldanba. Sondaı-aq ol arqyly qajetti oryndardy taýyp, basqa da kúndelikti jumystardy oryndaýǵa bolady. Búginde Qazaqstanda ıAndeks Karty qyzmetin aı saıyn 2,3 mıllıonnan astam adam paıdalanady. “ıAndeks Karty” ıAndekstiń basqa servısteri - Іzdeý, Taksı, Tamaq, Jetkizý sııaqty qazaq tilinde qoljetimdi.
