Endi UBT sertıfıkatyn eGov-tan júktep alýǵa bolady
QR Ǵylym jáne joǵary bilim mınıstrligi QR tsıfrlyq damý, ınnovatsııalar jáne aeroǵarysh ónerkásibi mınıstrligi jáne «Aqparattyq ulttyq tehnologııalar» AQ-men birlesip, eGov mobile mobıldi qosymshasynda «Ulttyq biryńǵaı testileý sertıfıkaty» dep atalatyn jańa tsıfrlyq qujatty iske qosty. Endi UBT sertıfıkatyn eGov Mobile arqyly onlaın alýǵa bolady, dep habarlaıdy Kazinform.
UBT sertıfıkaty paıdalanýshylardyń ulttyq biryńǵaı testileýde ár pán boıynsha jınaǵan upaılary týraly aqparatty qamtıdy.
Tsıfrlyq sertıfıkatqa Ulttyq testileý ortalyǵynyń elektrondy tsıfrlyq qoltańbasy qoıylady, bul onyń derekteriniń rastyǵyna jáne qaýipsizdigine kepil beredi.
Qosymshada UBT sertıfıkatynyń birneshe túrin alý múmkindigi eskerilgen.
Mysaly, beıindik pánder sáıkes kelgen jaǵdaıda biryńǵaı testileý baldaryna aýystyrýǵa bolatyn IELTS, TOEFL halyqaralyq sertıfıkattarynyń baldary men IB, ACT, SAT, A-Level sııaqty halyqaralyq standarttalǵan test nátıjesi esepteledi.
Sonymen qatar, UBT sertıfıkatynyń ereksheligi aqyly bólimde oqýǵa nemese memlekettik bilim berý baǵdarlamalaryna qatysýǵa úmitkerlerge jáne NZM túlekterine baılanysty.
UBT sertıfıkatyn alý úshin:
- Qosymshaǵa kirip, basty bette «Sandyq qujattar» degen bólimdi tańdaý;
- Qujattar tizimin jańartyp, sertıfıkatty alý qajet.
Esterińizge sala keteıik, UBT sertıfıkatynyń merzimi qujatta kórsetilgen.
Eger jaramdylyq merzimi ótip ketse, onda sertıfıkat sandyq qujattar tiziminde kórsetilmeıdi.
Sertıfıkat ıesi ony QR kod arqyly ala otyryp, qujatty suratqan tarapqa onyń túpnusqalyǵyn teksertýine bolady.
