Endi tutynýshylardyń quqyǵyn vırtýaldy kómekshi qorǵaıdy
ASTANA. KAZINFORM — Saýda jáne ıntegratsııa mınıstrligi tutynýshylardyń quqyǵyn qorǵaýdy kúsheıtý maqsatynda vırtýaldy kómekshi ázirlep jatyr.
Bul týraly Saýda jáne ıntegratsııa mınıstri Arman Shaqqalıev málim etti.
— Jasandy ıntellektti damytý tujyrymdamasyn iske asyrý aıasynda tutynýshylardyń quqyǵyn qorǵaýǵa arnalǵan vırtýaldy kómekshini ázirleý kezeńin aıaqtadyq. Jasandy ıntellekti elementteri bar agent qazir testileý satysynda tur, — dedi Arman Shaqqalıev Úkimet otyrysynda.
Sonymen qatar mınıstrlikte kelesi jobalar boıynsha jumys júrip jatyr:
— Ulttyq standarttar kitaphanasy boıynsha vırtýaldy kómekshi;
— Synaq júrgizýge arnalǵan zerthanalyq bazany irikteý boıynsha vırtýaldy kómekshi;
— Saýda aǵynyn taldaý modýli.
Sondaı-aq elimizde azyq-túlik vaýcheri pılottyq jobasy iske qosylady.
Aıta keteıik, elimizde jańa saýda marketpleısin iske qosý pysyqtalyp jatyr.
