Endi shetelge shyǵýǵa tyıymnyń bar-joǵyn onlaın bilýge bolady

ASTANA. KAZINFORM — Eger siz shetelge shyǵýdy josparlasańyz, eGov.kz portaly men eGov mobile mobıldi qosymshasy arqyly tyıymnyń bar-joǵyn teksere alasyz. Bul týraly «Ulttyq aqparattyq tehnologııalar» AQ habarlaıdy. 

— Shetelge sapar josparlaǵan kez kelgen adam óz josparyna eshqandaı kedergi bolmaıtynyna senimdi bolǵysy keledi. Alaıda, túrli qaryzdar shetelge shyǵýǵa shekteý qoıýǵa sebep bolýy múmkin. Osyndaı jaǵdaıdyń aldyn alý úshin azamattar elden shyǵýǵa tyıym salýdyń bar-joǵyn eGov.kz portaly nemese eGov Mobile qosymshasy arqyly jedel teksere alady, — delingen aqparatta. 

Shetelge shyǵý quqyǵyn shekteýdiń negizgi sebebi — qaryz. Onyń qataryna tólenbegen salyqtar, aıyppuldar, alımentter, kommýnaldyq qyzmetter boıynsha qaryzdar, sondaı-aq tıisti qujattyq rastaýy bar jeke nemese zańdy tulǵalar aldyndaǵy qaryzdar jatady.

Qyzmetti Egov.kz portalynda qalaı paıdalaný kerek: 

• «Azamattarǵa» — «Azamattyq, kóshi-qon jáne ımmıgratsııa» — «Shetelge shyǵý» bólimin tańdaý kerek; 
• «Shet elge shyǵýy shektelgen, boryshkerler tizilimi jáne atqarý óndirisi boıynsha boryshkerler tizilimi boıynsha shet elge shyǵýǵa tyıym salynǵandyǵynyń bar bolýyn tekserý» qyzmetin tańdap, «Onlaın suraý» batyrmasyn basý qajet; 
• JSN/BSN-dy eńgizip, «Ary qaraı» batyrmasyn basý kerek;
• mártebelik bette suranysty qaraý nátıjesimen tanysý qajet.
• eGov Mobile qosymshasynda servısti paıdalaný úshin:
  — eGov Mobile qosymshasyna kirip jáne avtorızatsııadan ótip, «Qyzmetter» — «Saıahat, sheteldegi ómir jáne emıgratsııa» bólimin tańdaý qajet;
  — «Shet elge shyǵýy shektelgen boryshqorlar tizimi jáne atqarý óndirisi boıynsha boryshqorlar tizilimi boıynsha shet elge shyǵýǵa tyıym salynǵandardyń bar bolýyn tekserý» qyzmetin tańdaý kerek;
  — JSN/BSN engizip, «Tekserý» batyrmasyn basyńyz;
  — tekserý nátıjesimen tanysý qajet.

Qansha qaryz bolsa, shetelge shyǵýǵa tyıym salynady? 

— Shetelge shyǵýǵa shekteýler qaryz somasy 40 AEK-ten asqan jaǵdaıda nemese sot tıisti óndirip alý týraly qaýly shyǵarǵan bolsa, alıment tólemderiniń merzimi 3 aıdan asyp ketken jaǵdaıda qoldanylady. Sotpen bekitilgen sot oryndaýshysynyń qaýlysy Ulttyq qaýipsizdik komıteti Shekara qyzmetine jiberiledi, sol arqyly qaryzy bar azamattyń shekaradan ótý múmkindigin buǵattaıdy, — delingen habarlamada.

Odan bólek, shetelge shyǵýǵa tyıymnyń bar-joǵyn atqarýshylyq is júrgizý organdarynyń avtomattandyrylǵan aqparattyq júıesi AІJO AAJ arqyly «Shetelge shyǵýǵa tyıym salý» bóliminen bilýge bolady. 

Atalǵan qyzmet Tsıfrlyq damý, ınnovatsııalar jáne aeroǵarysh ónerkásibi mınıstrliginiń memlekettik kórsetiletin qyzmetter komıteti, «Ulttyq aqparattyq tehnologııalar» AQ jáne Ádilet mınıstrligimen birlesip iske qosyldy. 

Aıta keteıik, qamqorlyqqa alǵan azamattardy turǵylyqty jeri boıynsha tirkeý endi eGov.kz portaly arqyly onlaın júzege asyrýǵa bolady.