Endi sharýalar maldy onlaın baǵa ma: mınıstr tsıfrlyq sheshimderdi tanystyrdy
ASTANA. KAZINFORM — Mal sharýashylyǵyn tsıfrlandyrý janýarlarǵa baqylaýdy kúsheıtip, ónimdilik pen bıoqaýipsizdik deńgeıi arttyrady. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málim etti.
— Mal sharýashylyǵyn tsıfrlandyrý jəne avtomattandyrý sandyq tehnologııalar fermalardy basqarý təsilin ózgertedi. Tsıfrlandyrý jumysynyń arqasynda baqylaý kúsheıip, ónimdilik pen bıoqaýipsizdik deńgeıi artady. 2024 jyly janýarlardyń tsıfrlyq monıtorıngi naryǵy 4,4 mıllıard dollar boldy. 2030 jylǵa qaraı ol 8,5 mıllıard dollarǵa deıin ósýi múmkin. Fermalarda RFID belgileri men qozǵalys sensorlary ornatylyp jatyr. Olar janýarlardy naqty ýaqyt rejıminde baqylap, maldyń syrqatyn tez anyqtaýǵa múmkindik beredi. Sonymen qatar tabyn men logıstıkany tıimdi basqarýǵa kómektesedi. Búginde mundaı júıe Nıderlandy, Danııa jəne Kanadada jumys istep tur. Júıe kóbine 100 bas sıyr bar sút fermalarynda qoldanylyp jatyr, — dedi Jaslan Mádıev Úkimet otyrysynda.
Odan ári mınıstr dəlme-dəl mal sharýashylyǵyn damytýdy sóz etti.
— Dəlme-dəl mal sharýashylyǵyn damytý tsıfrlandyrýdyń kelesi qadamy. Oǵan maldy avtomatty azyqtandyrý, sýmen jabdyqtaý jəne klımatty baqylaý kiredi. Bul tehnologııa ónimdilikti 10-25 paıyzǵa arttyrady. Sondaı-aq shyǵyndy 15 paıyzǵa deıin qysqartýǵa múmkindik beredi. Odan bólek, jasandy ıntellekti de qoldanylady. Bul maldyń syrqaty men minez-qulqyn boljaýǵa kómektesedi. Odan bólek, jaıylymdy baqylaý úshin drondar men spýtnıkter qoldanylady. 2029 jylǵa qaraı dəlme-dəl mal sharýashylyǵy naryǵy shamamen 8 mıllıard dollarǵa jetýi múmkin, — dep tolyqtyrdy Jaslan Mádıev.
Buǵan deıin Tsıfrlyq mınıstr maldyń jaı-kúıin anyqtaıtyn smart sheshim týraly aıtqan edi.