Endi ózbekstandyq sheneýnikter aıyna bir ret jumysqa avtobýspen barady

TAShKENT. KAZINFORM – Ózbekstan astanasy Tashkentte aıyna bir ret «Avtokóliksiz kún» jobasy ótkiziledi. Onyń barysynda barlyq bılik organynyń basshylary men qyzmetkerleri jumysqa qoǵamdyq kólikpen kelýi tıis. Atalmysh jobany uıymdastyrý týraly jarlyqqa Ózbekstan prezıdenti Shavkat Mırzıeev 21 aqpan kúni qol qoıdy. Bul týraly Kazinform agenttiginiń Tashkenttegi menshikti tilshisi Álıhan Asqar habarlady.

Mundaı talap zııandy kólik gazdarynyń aýa sapasyna tıgizip jatqan teris áserin azaıtý maqsatynda engizildi. Bul bastamaǵa qoǵam ókilderi men ekobelsendiler qoldaý bildirgen.

Osyǵan baılanysty keńsesi Tashkentte ornalasqan barlyq respýblıkalyq jáne jergilikti atqarýshy bılik organynyń basshylary men ózge de qyzmetkerlerine qoǵamdyq kólikpen jumysqa barý arqyly kópshilikke úlgi kórsetý tapsyryldy.