Endi kólik ınfraqurylymy qaryzyna memlekettik kepildik beriledi

ASTANA. KAZINFORM – Bıyl kólik ınfraqurylymy qaryzyna beriletin memlekettik kepildik kólemi 1,9 trln teńgege ulǵaıady. Bul týraly Úkimet basshysynyń orynbasary Serik Jumanǵarın málim etti.

Енді көлік инфрақұрылымы қарызына мемлекеттік кепілдік беріледі
Фото: Виктор Федюнин / Kazinform

— Úkimet eldiń kólik ınfraqurylymyn jaqsartý úshin qaryz alýǵa da memlekettik kepildikter beredi, bul otandyq taýarlar men qyzmetterge suranysty arttyryp, ekonomıkanyń ósý qarqynyn jedeldetedi. Atalǵan bastama aldaǵy ýaqytta tranzıttik tasymaldardyń, el ishindegi tasymaldardyń kólemin ulǵaıtyp, iskerlik belsendiliktiń ósýine yqpal etedi. Bıyl memlekettik kepildikter 1,9 trln teńgege ulǵaıady, bul 13,1 myń shaqyrymǵa deıin avtomobıl jáne 585 shaqyrymǵa deıin temir joldy jóndeý men salýǵa jumsalady, — dedi Serik Jumanǵarın Úkimet otyrysynda. 

Vıtse-premerdiń málimdeýinshe, bıyl energetıkalyq jáne kommýnaldyq sektorlardy jańǵyrtý jónindegi ulttyq jobany iske asyrý aıasynda salaǵa quıylatyn ınvestıtsııa kólemi artady. 

— Ulttyq joba sheńberindegi ınvestıtsııalar kólemi 5 jylda 13 trln teńgeden asady, onyń ishinde ınfraqurylymdy jańǵyrtýǵa salynǵan ınvestıtsııa shamamen 1,2 trln teńgege jetedi. Ulttyq joba ınvestıtsııanyń ósýine, sondaı-aq jańa otandyq taýarlar men eldiń kommýnaldyq ınfraqurylymyn salý kezinde ónimderi satyp alynatyn óndirýshilerdiń paıda bolýyna yqpal etedi, — deıdi ol. 

Sondaı-aq Úkimet basshysynyń orynbasary ulttyq jobany iske asyrý ınfraqurylymnyń tozýyn azaıtýǵa, tabıǵı monopolııalar sýbektileriniń operatsııalyq tıimdiliginiń ósýine jáne elektr energııasy men jylý berýde ysyrapty azaıtýǵa yqpal etedi. 

- Energetıkalyq jáne kommýnaldyq ınfraqurylymdy jańǵyrtý jáne salý sheńberinde elishilik qundylyq úlesin ulǵaıtý úshin otandyq óndiris taýarlaryn paıdalanýǵa yntalandyrý boıynsha jumys júrgiziledi. Bul tásil ishki básekege qabilettilikti arttyryp qana qoımaı, jańa jumys oryndaryn qurýǵa, ımportqa táýeldilikti tómendetýge, sondaı-aq otandyq óndiris kólemin ulǵaıtýǵa múmkindik beredi, — dep tolyqtyrdy Serik Jumanǵarın Úkimet úıinde. 

Aıta keteıik, Qazaqstanda shaǵyn, orta jáne iri bıznes kredıtke kepildik beretin birneshe qor qurylmaq

Сейчас читают