Endi kıno salasyna bólinetin qarjy tsıfrlyq baqylaýda bolady

ASTANA. KAZINFORM – Mádenıet jáne aqparat mınıstrligi tsıfrlyq quraldardyń kómegimen kınony qarjylandyrýdy neǵurlym ashyq etpek. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málim etti.

- Mádenıet jáne óner salasyn tsıfrlyq transformatsııalaý derekterdi taldaýdyń zamanaýı tehnologııalaryn, onyń ishinde jasandy ıntellektini engizý jáne aýqymdy derekterdi óńdeý esebinen shyǵarmashylyq jobalardyń sátti shyǵýyn boljaýdy kózdeıdi. Bul rette kınoteatrlardaǵy kassalyq túsim týraly burmalanǵan derekterge jol bermeý jáne kiristi bólýdegi ashyqtyqtyń bolmaýyn joıý esebinen kóleńńkeli aınalymǵa qarsy is-qımyl boıynsha sharalar qabyldanyp jatyr, - dedi Jaslan Mádıev Úkimet otyrysynda.

Mınıstrdiń málimdeýinshe, qazir Mádenıet jáne aqparat mınıstrligi memlekettik qyzmetterdiń 21 túrin kórsetedi. Olardyń ishinde 12-si tolyǵymen avtomattandyrylǵan.

Byltyr atalǵan vedomstvo 530 myńǵa jýyq memlekettik qyzmetter kórsetilgen, sonyń 67%-y elektrondyq formatta usynyldy.

- Biz Mádenıet jáne aqparat mınıstrliginiń 46 bıznes-protsesine reınjınırıng júrgizdik. Olardyń ishinde kınojobalar óndirisi boıynsha 3 protsess jáne olardyń taratylýy boıynsha 3 protsess. Bıýdjet qarajatyn paıdalanýdyń tıimdiligin arttyrý úshin Mádenıet jáne aqparat mınıstrliginiń tsıfrlyq quraldardy engizý boıynsha bastamasyn qoldaımyz, olar kınony qarjylandyrýdy neǵurlym ashyq etedi. Shyǵystardy baqylaýǵa jáne salynǵan qarajattyń tıimdiligin arttyrýǵa kómektesedi,- deıdi ol.

Sondaı-aq Úkimet basshysy tarıhı qujattardy tsıfrlyq arhıvte saqtap, qoljetimdi etý kerektigin tapsyrdy.