Endi qazaqstandyqtar jańa pasport alǵanda, eskisin tapsyrady
ASTANA. KAZINFORM – Іshki ister mınıstrligi Qazaqstan Respýblıkasy azamatynyń pasportynyń resimdelý, berilý, aýystyrylý, tapsyrý, alyp qoıý jáne joıý qaǵıdalaryna ózgerister engizýdi kózdeıtin buıryq jobasyn ázirledi. Qujat jobasy «Ashyq NQA» portalynda jarııalandy.
- Qazir jaramsyz qujattardy qaıta paıdalaný faktileri anyqtalyp jatyr. Osy sekildi faktilerdi boldyrmaý maqsatynda, jańa pasportty resimdeý kezinde eski pasportty dereý alyp qoıý usynylady. Al pasportty ýaqytsha paıdalaný qajet bolǵan jaǵdaıda (jańasyn alǵanǵa deıin) azamattarǵa sebebin kórsete otyryp, erikti ótinish jazý negizinde eski pasportty qolynda qaldyrý múmkindigi beriledi, - delingen qujat mátininde.
Sondaı-aq Іshki ister mınıstrligi atalǵan jobany qabyldaý teris áleýmettik-ekonomıkalyq jáne quqyqtyq nemese ózge de saldarlarǵa ákep soqpaıtynyn, sondaı-aq ulttyq qaýipsizdikke teris áser etpeıtinin habarlap otyr.
Qujat jobasy 2025 jylǵy 26 mamyrǵa deıin qoǵamdyq talqylaýǵa usynyldy.
Kazinform tilshisi Qazaqstan pasportynyń sapasy men sıpatyna taldaý jasaǵan edi.
Aıta keteıik, Qazaqstanda pasporttyń 3 túri qoldanylady: jalpy azamattyq, qyzmettik jáne dıplomatııalyq.