Endi Baıanaýylda erekshe qajettiligi bar jandar da kedergisiz tynyǵa alady

PAVLODAR. KAZINFORM — Sabyndykól jaǵajaıyn abattandyrý jumystaryna oblystyq bıýdjetten 623,6 mln myń teńge bólingen. Jaǵajaıda erekshe jandardyń kedergisiz demalýyna basa mán berilmekshi.

Baıanaýyldaǵy Sabyndykól jaǵasynda keńaýqymdy abattandyrý júrip jatyr. Jazda Jasybaı kóline túsetin týrıstik júktemeni azaıtý maqsatynda qolǵa alynǵan joba bıyl kúzde aıaqtalýy kerek.

— Kól Baıanaýyl kentiniń dál janynda ornalasqan. Jaǵajaıdy abattandyrý jumystaryna oblystyq bıýdjetten 623 mln 690 myń teńge bólindi. Jumystardy «Ertis art Servız» JShS merdiger utyp aldy. Qurylys materıaldaryn jetkizý, barlyǵy qarqyndy júrip jatyr. Josparǵa sáıkes, merdiger tarapynan eshqandaı kedergisiz oryndalyp jatyr. Mundaǵy abattandyrý jumystary tek kórkeıtý maqsatymen ǵana emes, ınklıýzıvtilikke, ıaǵnı erekshe jandardyń kedergisiz demalýyna asa mán berilip otyr. Jaǵajaıǵa emin-erkin kirip-túsýi úshin terrassalyq jol salynýda, al kólik turaǵy asfalt jamylǵysymen jabylǵan. Merdiger uıym josparǵa saı jumys istep jatyr, - dep habarlady Baıanaýyl aýdanynyń ákimdiginen.

Eske sala keteıik, bıyl Baıanaýyl ulttyq parkine kirýdiń jańa tarıfi engizildi.