Endi azamattar memlekettik tirkeý nómirlik belgisin ózderi tańdaı alady
ASTANA. KAZINFORM - Endi azamattar memlekettik tirkeý nómirlik belgisin erkin tańdaı alady, — dep habarlaıdy Polisia.kz.
Halyq úshin qolaıly jaǵdaı jasaý maqsatynda 2026 jylǵy 1 qańtardan bastap qoldanysqa engizilgen kez kelgen qajetti tsıfrlyq jáne áriptik belgilermen MTNB-ny erkin tańdaýdy kózdeıtin normalar ázirlendi.
— 5 qańtardan bastap azamattar memlekettik tirkeý nómirlik belgisin arnaıy mamandandyrylǵan halyqqa qyzmet kórsetý ortalyqtary arqyly tańdaı alady. Bul rette, kez kelgen qajetti áriptik jáne tsıfrlyq belgileri bar MTNB quny 10 AEK jáne 15 AEK mólsherinde bolady (joǵary suranysqa ıe MTNB-ny qospaǵanda), — dedi QR ІІM ÁPK-niń erekshe tapsyrmalar jónindegi aǵa ınspektory Araı Tólegenqyzy.
Osyǵan deııin sapasyz kólikti qaıtarýdan bas tartqan satýshy ákimshilik jaýapkershilikke tartylatyny týraly habarladyq.