Endi áskerı oqý ornyna qaıta qabyldanýǵa ótinishti smartfon arqyly berýge bolady

ASTANA. KAZINFORM – eGov Mobile mobıldi qosymshasynda «Qazaqstan Respýblıkasy Qorǵanys mınıstrliginiń áskerı oqý oryndaryna qaıta qabyldaý» qyzmeti qoljetimdi boldy. Buǵan deıin bul qyzmet eGov.kz portalynda usynylatyn. 

Qyzmet keminde bir semestr bilim alǵan áskerı oqý oryndarynyń burynǵy kýrsanttaryna arnalǵan. Ótinish tsıfrlyq formatta qalyptastyrylady, al qajetti derekterdiń basym bóligi memlekettik aqparattyq júıelerden avtomatty túrde júkteledi. Bul protsesti barynsha ońaı ári yńǵaıly etedi. Alaıda ótinishti oqýdan shyǵarylǵan sátten bastap bir jyl ishinde ǵana berýge bolatynyn eskerý qajet.

Qyzmetti paıdalaný úshin:

— eGov Mobile mobıldi qosymshasynda avtorızatsııadan ótý qajet;

— «Qyzmetter» — «Áskerı esepke alý» bólimine ótý kerek;

— «Qazaqstan Respýblıkasy Qorǵanys mınıstrliginiń áskerı oqý oryndaryna qaıta qabyldaý» qyzmetin tańdaý qajet;

— oqý orny men oqýdan shyǵarylǵan merzim týraly aqparatty kórsetý;

— jeke derekterdi óńdeýge kelisim berý;

— qajetti qujattardy júkteý kerek;

— ETsQ nemese balamaly tásilder arqyly ótinishke qol qoıý qajet.

Qyzmet tegin usynylady, kórsetý merzimi — 20 jumys kúni. Ótinishti qaraý nátıjesi «Jeke kabınet tarıhy» bóliminde qoljetimdi bolady. Eger qaıta qabyldanýǵa múmkindik bolmasa, qoldanýshy dáleldi bas tartý týraly jaýap alady.

Aıta ketý kerek, «Qazaqstan Respýblıkasy Qorǵanys mınıstrliginiń áskerı oqý oryndaryna qaıta qabyldaný» qyzmeti eGov.kz portalynda da qoljetimdi.

Jańartý Tsıfrlyq damý, ınnovatsııalar jáne aeroǵarysh ónerkásibi mınıstrliginiń Memlekettik kórsetiletin qyzmetter komıteti, «Ulttyq aqparattyq tehnologııalar» AQ jáne Qorǵanys mınıstrliginiń birlesken jumysy nátıjesinde iske qosyldy. 

Aıta ketelik 270.00 nysandy deklaratsııany eGov.kz jáne eGov Mobile arqyly onlaın tapsyrýǵa bolady.