Endi arheologterge robottar kómektesedi

ASTANA. KAZINFORM –  Endi arheologterge kómektesetin robottar bar. Bul týraly Jibek joly telearnasynyń jańalyqtar qyzmetinde aıtty.   

Innovatsııalyq joba «ALEM TECH FEST 2026» chempıonatynda tanystyryldy. Osymen 6-shy ret ótip jatqan dodaǵa 5 myńnan astam ónertapqysh qatysyp jatyr. 

Ortalyq Azııanyń eń úzdik mektep oqýshylary bıyl arheologııa taqyrybynda jumys atqardy.

Oqýshylar kóne jádigerlerdi zerttep, ǵalymdardyń jumysyn jeńildetetin, artefaktilerdi qaz-qalpynda saqtaıtyn aqyldy robottardy alańǵa shyǵardy.

Bul jarysta jeńgender AQSh-tyń Hıýston qalasynda ótetin álem chempıonatyna attanady.

Aıta keteıik, qazaq jastary osyndaı dodada tórt ret top jarǵan edi. 

— Bıylǵy maýsymnyń taqyryby ol arheologııa jáne komandalar arheologterge arnaıy máselelerin taýyp, sol máselelerdi ınjenerlik túrmen sheshý kerek. Eń myqty degen komandalar qazir osy jaqta jınaldy. Osy jarysta jeńgen komandalar keıin úlken halyqaralyq jarystarǵa shyǵady, — dedi  USTEM Robotics qorynyń dırektory Asylbek Myrzahmetov.

Aıta ketelik Qustaı qonysy Qytaı arheologııasynyń 2025 jylǵy úzdik jetistikterine endi.