Endi ár azamat dárihanalardaǵy baǵany baqylap, qosymsha arqyly shaǵymdana alady
ASTANA. KAZINFORM — Densaýlyq saqtaý mınıstrligi Qazaqtelekommen birlesip Naqty Onim qosymshasynda tsıfrlyq servısti iske qosty, dep habarlaıdy DSM baspasóz qyzmeti.
Onda árbir azamat dári-dármektiń shekti baǵasyn teksere alady, sondaı-aq joǵary baǵalarǵa shaǵymdana alady.
2024 jyldyń shildesinen bastap Qazaqstandaǵy barlyq dári-dármekter mindetti tańbalaýdan ótedi. Bul patsıentterdi jalǵannan qorǵaıdy jáne zaýyttan dárihanaǵa deıin tolyq baqylaýdy qamtamasyz etedi.
Tańbalaýdyń arqasynda tegin preparattardy zańsyz satý faktileri anyqtaldy. Bas prokýratýra birlesip tekserýlerdi bastaldy.
Ashyqtyq qazirdiń ózinde nátıje berip jatyr: farmatsevtıkalyq sektordan túsken salyq túsimderi 24%-ǵa ósti.
Budan buryn DSM kelesi jyly dári-dármek baǵasy qymbattaı ma degen saýalǵa jaýap berdi.